فوتو: nippon.com
اقمولا وبلىسىندا بۇرىنعى ەيەلٸن جٷيەلٸ تٷردە اڭدىعان ەر ادام سوتتالدى. سوت وعان 100 ساعات قوعامدىق جۇمىسقا تارتۋ جازاسىن تاعايىنداپ, التى ايعا ارنايى شەكتەۋ ەنگٸزدٸ, دەپ حابارلايدى Ult.kz.
اقمولا وبلىسىنىڭ ساندىقتاۋ اۋداندىق سوتىندا ستالكينگ دەرەگٸ بويىنشا قىلمىستىق ٸس قارالدى. ايىپتالۋشى – جەرگٸلٸكتٸ تۇرعىن. تەرگەۋ مەلٸمەتٸنشە, ول اجىراسقاننان كەيٸن بۇرىنعى جۇبايىنىڭ قارىم-قاتىناستى تولىق توقتاتۋ تۋرالى شەشٸمٸمەن كەلٸسپەي, ەيەلدٸ ۇزاق ۋاقىت بويى قۋدالاپ كەلگەن.
سوت انىقتاعانداي, 2025 جىلدىڭ ماۋسىم ايىنان باستاپ ەر ادام بۇرىنعى ەيەلٸن ٷنەمٸ ٸزدەپ, ونىمەن كەزدەسۋگە تىرىسقان. ول ەيەلدٸڭ ٷيٸ مەن جۇمىس ورنىنىڭ ماڭىندا كٷتٸپ تۇرعان, كٶشەدە سوڭىنان ەرگەن, بٸرنەشە رەت تەلەفون سوعىپ, تٷرلٸ حابارلامالار جولداعان. كەيبٸر حابارلامالاردا بالاعات سٶزدەر مەن قورلاۋ سيپاتىنداعى سٶزدەر بولعان.
بۇدان بٶلەك, كەي كەزدەرٸ ەر ادام ەيەلدٸڭ ٷيٸنە كەلٸپ, تەرەزەدەن ٸشكە قاراعان. بۇل تۋرالى سوتتىڭ رەسمي حابارلاماسىندا ايتىلدى.
جەبٸرلەنۋشٸ سوتتا تۇراقتى قۋدالاۋ سالدارىنان قورقىنىش پەن ٷرەي سەزٸنگەنٸن جەتكٸزدٸ. ونىڭ ايتۋىنشا, بۇل جاعداي پسيحولوگييالىق قىسىمدى كٷشەيتٸپ, ٶزٸنٸڭ عانا ەمەس, بالالارىنىڭ قاۋٸپسٸزدٸگٸ ٷشٸن دە الاڭداۋعا مەجبٷر ەتكەن. وسىدان كەيٸن ەيەل پوليتسييادان كٶمەك سۇراعان.
سوت بارىسىندا ەر ادامنىڭ كٸنەسٸ ونىڭ ٶز مويىنداۋىمەن قاتار جەبٸرلەنۋشٸ مەن كۋەلاردىڭ ايعاقتارى, پوليتسييا قىزمەتكەرلەرٸنٸڭ راپورتتارى, سونداي-اق حابارلامالاردىڭ سكرينشوتتارى مەن اۋديوجازبالار ارقىلى دەلەلدەندٸ.
نەتيجەسٸندە سوت ايىپتالۋشىنى قىلمىستىق كودەكستٸڭ 115-1-بابى بويىنشا كٸنەلٸ دەپ تانىپ, 100 ساعات قوعامدىق جۇمىسقا تارتۋ جازاسىن تاعايىندادى.
سونىمەن قاتار سوت التى اي مەرزٸمگە ارنايى مٸنەز-قۇلىق تالاپتارىن بەلگٸلەدٸ. وسى كەزەڭدە ەر ادامعا بۇرىنعى جۇبايىمەن كەز كەلگەن بايلانىس جاساۋعا تىيىم سالىندى. بۇدان بٶلەك, وعان الكوگولدٸك ٸشٸمدٸك ٸشۋگە دە شەكتەۋ قويىلىپ, اي سايىن پروفيلاكتيكالىق ەڭگٸمە جٷرگٸزۋ ٷشٸن پوليتسيياعا بارىپ تۇرۋ مٸندەتتەلدٸ.
ٷكٸم ەزٸرگە زاڭدى كٷشٸنە ەنگەن جوق.
