Foto: nippon.com
Aqmola oblysynda burynǵy áielin júieli túrde ańdyǵan er adam sottaldy. Sot oǵan 100 saǵat qoǵamdyq jumysqa tartý jazasyn taǵaiyndap, alty aiǵa arnaiy shekteý engizdi, dep habarlaidy Ult.kz.
Aqmola oblysynyń Sandyqtaý aýdandyq sotynda stalking deregi boiynsha qylmystyq is qaraldy. Aiyptalýshy – jergilikti turǵyn. Tergeý málimetinshe, ol ajyrasqannan keiin burynǵy jubaiynyń qarym-qatynasty tolyq toqtatý týraly sheshimimen kelispei, áieldi uzaq ýaqyt boiy qýdalap kelgen.
Sot anyqtaǵandai, 2025 jyldyń maýsym aiynan bastap er adam burynǵy áielin únemi izdep, onymen kezdesýge tyrysqan. Ol áieldiń úii men jumys ornynyń mańynda kútip turǵan, kóshede sońynan ergen, birneshe ret telefon soǵyp, túrli habarlamalar joldaǵan. Keibir habarlamalarda balaǵat sózder men qorlaý sipatyndaǵy sózder bolǵan.
Budan bólek, kei kezderi er adam áieldiń úiine kelip, terezeden ishke qaraǵan. Bul týraly sottyń resmi habarlamasynda aityldy.
Jábirlenýshi sotta turaqty qýdalaý saldarynan qorqynysh pen úrei sezingenin jetkizdi. Onyń aitýynsha, bul jaǵdai psihologiialyq qysymdy kúsheitip, óziniń ǵana emes, balalarynyń qaýipsizdigi úshin de alańdaýǵa májbúr etken. Osydan keiin áiel politsiiadan kómek suraǵan.
Sot barysynda er adamnyń kinási onyń óz moiyndaýymen qatar jábirlenýshi men kýálardyń aiǵaqtary, politsiia qyzmetkerleriniń raporttary, sondai-aq habarlamalardyń skrinshottary men aýdiojazbalar arqyly dáleldendi.
Nátijesinde sot aiyptalýshyny Qylmystyq kodekstiń 115-1-baby boiynsha kináli dep tanyp, 100 saǵat qoǵamdyq jumysqa tartý jazasyn taǵaiyndady.
Sonymen qatar sot alty ai merzimge arnaiy minez-qulyq talaptaryn belgiledi. Osy kezeńde er adamǵa burynǵy jubaiymen kez kelgen bailanys jasaýǵa tyiym salyndy. Budan bólek, oǵan alkogoldik ishimdik ishýge de shekteý qoiylyp, ai saiyn profilaktikalyq áńgime júrgizý úshin politsiiaǵa baryp turý mindetteldi.
Úkim ázirge zańdy kúshine engen joq.
