اقمولا وبلىسىندا 2 مىڭنان استام وتباسى اتۋالى ەلەۋمەتتٸك كٶمەك الۋى ٷشٸن تابىسىن جاسىرعان, دەپ حابارلايدى "ۇلت اقپارات".
وبلىستىق جۇمىسپەن قامتۋدى جەنە ەلەۋمەتتٸك باعدارلامالاردى ٷيلەستٸرۋ باسقارماسى باسپاسٶز قىزمەتٸنٸڭ مەلٸمەتٸنشە, اقمولا وبلىسىندا اتاۋلى ەلەۋمەتتٸك كٶمەك الۋشىلار سانى ٶتكەن جىلمەن سالىستىرعاندا ٷش ەسەگە كٶبەيگەن. ناقتىراق ايتساق, ٶتكەن جىلى 7,2 مىڭ وتباسى كٶمەك السا, بيىلعى جىلى بۇل كٶرسەتكٸش 8,3 مىڭ وتباسىنا جەتكەن. ياعني, قارجى تٸلٸمەن ايتقاندا, تٶلەماقى كٶلەمٸ 400 ميلليوننان 8,3 ميلليارد تەڭگەگە دەيٸن ارتىپ وتىر.
دەگەنمەن, كٸرٸسٸن جاسىرىپ اتاۋلى ەلەۋمەتتٸك كٶمەك العانداردا جوق ەمەس. ەسٸرەسە, 2074 استام وتباسىنىڭ اتاۋلى ەلەۋمەتتٸك كٶمەك الۋى ٷشٸن تابىستارىن جاسىرعانى بەلگٸلٸ بولىپ وتىر.
«كٷنٸ بٷگٸنگە دەيٸن كٸرٸسٸن جاسىرىپ, اتاۋلى ەلەۋمەتتٸك كٶمەك العان وتباسى مٷشەلەرٸنە تٷسٸنٸك جۇمىستارىن جٷرگٸزگەننەن كەيٸن بيۋدجەتكە 4,9 ميلليون تەڭگە ەرٸكتٸ تٷردە قايتارىلعان. ەندٸ سوت ورگاندارى ارقىلى 56 ٶتٸنٸم بەرۋشٸ 14 ميلليون تەڭگە قارجىنى قايتاراتىن بولادى. 1500 وتباسىعا اتاۋلى ەلەۋمەتتٸك كٶمەك كٶرسەتۋ توقتاتىلدى», دەيدٸ ۆەدومستۆونىڭ باسپاسٶز حاتشىسى ۆلادا كوكورينا.
ۆەدومستۆو كەلتٸرگەن مەلٸمەتتەرگە سٷيەنسەك, قوياندى اۋىلىنىڭ تۇرعىنى بەس بالا اسىراپ وتىرعان نۇرجان تٶكەنقىزىنىڭ دا وتباسىنا اتاۋلى ەلەۋمەتتٸك كٶمەك تاعايىندالعان ەكەن. بۇل وتباسىنا بارلىعى 1 403 388 تەڭگە تٶلەنۋٸ كەرەك ەدٸ. الايدا, تەكسەرٸس بارىسىندا, بۇل وتباسىنىڭ ماۋسىم ايىندا ٶزگە ٶڭٸردەن كٶشٸپ كەلگەنٸ انىقتالدى. ەندٸ ولار ماۋسىم جەنە شٸلدە ايلارىندا تٶلەنگەن 233 898 تەڭگەنٸ قايتارۋى تيٸس. قازٸرگٸ تاڭدا بۇل اقشانىڭ 100 000 تەڭگەسٸ عانا قايتارىلعان.
