اقمولا وبلىسىندا اۋىر قىلمىس جاسادى دەگەن كٷدٸكپەن 34 جاستاعى ەر ادام ۇستالدى, دەپ حابارلايدى "ۇلت اقپارات".
«كٷدٸكتٸگە بۇلاندى اۋدانىنىڭ تۇرعىنى, 57 جاستاعى تانىسىن ٶلتٸردٸ دەپ ايىپ تاعىلىپ وتىر. تەرگەۋ بارىسىندا انىقتالعانداي, كٷدٸكتٸ تانىسىمەن اقپان ايىنىڭ سوڭىندا جانجالداسىپ قالعان. كەيٸن ونى ٶلتٸرٸپ, دەنەسٸن بٶلشەكتەپ, قورانىڭ ٸشٸنە كٶمٸپ تاستاعان», - دەيدٸ وبلىستىق پد باسپاسٶز قىزمەتٸندەگٸلەر.
ۆەدومستۆونىڭ مەلٸمەتٸنشە, قازا بولعان ەر ادامنىڭ تۋىستارى ونى بٸر اي بويى ٶزدەرٸ ٸزدەگەن. ارتىنشا ناۋرىزدىڭ 25-دە بۇلاندى اۋداندىق پب نۇر-سۇلتان قالاسىنا جۇمىس ٸزدەپ كەتكەن 57 جاستاعى اعالارىن ٸزدەپ تابۋعا كٶمەك سۇراپ ٶتٸنٸش بەرٸپتٸ.
«جەدەل ٸزدەستٸرۋ شاراسى بارىسىندا تامىزدىڭ 9-دا پوليتسييا قىزمەتكەرلەرٸ بۇلاندى اۋدانىنىڭ 34 جاستاعى تۇرعىنىنىڭ وسى ٸسكە قاتىسى بارىن انىقتادى. انىقتالعانداي, 2020 جىلدىڭ اقپان ايىندا ەكەۋٸ بٸرگە اراق ٸشكەن. كەيٸن سٶزگە كەلٸپ قالعان كٷدٸكتٸ 57 جاستاعى ەر ادامدى ٶلتٸرگەن. قىلمىستى جاسىرۋ ٷشٸن باسى مەن اياق-قولدارىن كەسٸپ, پەشكە جاققان, ال دەنەسٸن قورانىڭ ٸشٸنە كٶمگەن» دەپ تولىقتىردى ۆەدومستۆودان.
وسىعان بايلانىستى پوليتسييا قىزمەتكەرلەرٸ 10 تامىزداعى قىلمىستىق ٸستٸ قىلمىستىق كودەكستٸڭ 99-بابىنىڭ 1-بٶلٸگٸنە اۋىستىردى.
34 جاستاعى ەر ادام قاماۋعا الىندى.
