قورعالجىن اۋىلىنىڭ تۇرعىنى سەرٸكباي جانىبەكوۆ ٶزٸنٸڭ Instagram پاراقشاسىندا قۇستاردى ۆيدەوعا تٷسٸرٸپ, كٶپشٸلٸكتٸڭ نازارىن اۋداردى.
ۆيدەونى كٶرگەن وقىرماندار تابيعات كٶرٸنٸسٸنە تامسانىپ, جارىسا پٸكٸر جازدى. كٶرەرمەندەر ەسەم تابيعات پەن قۇستاردىڭ كەرەمەت سەتتەرٸن جوعارى باعالاپ, سەرٸكبايدىڭ شەبەرلٸگٸن ماقتادى.
بۇل ۆيدەو اۋىلدىڭ تابيعي سۇلۋلىعىن جەنە قۇستار ەلەمٸنٸڭ تاڭعاجايىپتىعىن كٶرسەتٸپ, كٶپشٸلٸكتٸڭ قىزىعۋشىلىعىن تۋدىردى.
"قىزىل كٸتاپقا ەنگەن سيرەك قۇستاردىڭ بٸرٸ – القىزىل قوقيقازدار. جازدا ۇشاتىن از عانا ٶڭٸردٸڭ بٸرٸ – بٸزدٸڭ قورعالجىن", – دەدٸ ۆيدەو اۆتورى سەرٸكباي جانىبەكوۆ.
جەلٸ قولدانۋشىلارى ۆيدەونى قىزۋ تالقىلاپ, پٸكٸر بٶلٸستٸ.
"قانداي تاماشا كٶرٸنٸس?!", "ٶتە ەدەمٸ. ادامزات تابيعاتتى ايالاڭدار. كەرەمەت تٷسٸرٸلٸم ٷشٸن راحمەت!", "قانداي ەدەمٸ قۇستار, قانداي ەدەمٸ مۋزىكالىق سٷيەمەلدەۋ. تۋعان ٶلكەم – سۇلۋسىڭ", – دەدٸ وقىرماندار.
ايتا كەتەيٸك, قوقيقازدار كٶكتەمدە ەلٸمٸزدٸڭ سولتٷستٸك ٶڭٸرٸندەگٸ تەڭٸز كٶلٸنە جەنە تورعاي ٶڭٸرٸندەگٸ بٸرنەشە كٶلگە جەنە كاسپيي تەڭٸزٸنٸڭ سولتٷستٸك-شىعىس جاعالاۋىنا ۇشىپ كەلەدٸ. قازان-قاراشا ايلارىندا يران, اۋعانستان, پەكٸستانعا ۇشىپ كەتەدٸ. قىزعىلت قوقيقازدىڭ دەنە تۇرقى جۇمىرلانىپ كەلگەن, اياقتارى مەن مويىنى ەرەكشە ۇزىن بولادى. ولار – دٷنيەجٷزٸندەگٸ اياعى ەڭ ۇزىن قۇستاردىڭ بٸرٸ.
جەرگٸلٸكتٸ تۇرعىندار قوقيقازدى "قىزىلقانات قاز" نەمەسە "قىزىلقاز" دەپ تە اتايدى. قاناتتارىن قاعىپ, ۇشىپ بارا جاتقان قوقيقازدار الىستان قاراعاندا قىپ-قىزىل وت تەرٸزدٸ بولىپ كٶرٸنەدٸ. سوندىقتان ونى ورىسشا – "فلامينگو" دەپ اتايدى. ول لاتىننىڭ "الاۋلاعان وت, جالىن" دەگەن سٶزٸنەن الىنعان. قوقيقازدار 2010 جىلى قازاقستاننىڭ قىزىل كٸتابىنا ەنگەن.
