فوتو: Polisia.kz
اقمولا وبلىسىندا پوليتسەيلەر جابايى قاباندى اتىپ ٶلتٸرگەن ازاماتتى ۇستادى, – دەپ حابارلايدى Polisia.kz پورتالى.
"23 قاڭتاردا ساندىقتاۋ اۋدانىنىڭ پوليتسييا بٶلٸمٸنە تابيعاتتى قورعاۋ پوليتسيياسى ينسپەكتورىنان پەتروۆكا اۋىلىنىڭ شەتٸندە براكونەرلٸكپەن اينالىسقان بەلگٸسٸز ادامنىڭ جابايى قاباندى اتىپ ٶلتٸرگەنٸ تۋرالى حابارلاما كەلٸپ تٷستٸ.
پوليتسييا بٶلٸمٸ بۇل فاكتٸنٸ قر قك-نٸڭ 337-بابىنىڭ 1-بٶلٸگٸ (زاڭسىز اڭشىلىق) بويىنشا سدتبت-دا تٸركەدٸ.
جەدەل-ٸزدەستٸرۋ ٸس-شارالارىن جٷرگٸزۋ كەزٸندە كٷدٸكتٸ ۇستالدى, ول 30 جاستاعى جەرگٸلٸكتٸ تۇرعىن بولىپ شىقتى" - دەلٸنگەن حابارلامادا.
وقيعا ورنىن تەكسەرۋ بارىسىندا پوليتسييا قىزمەتكەرلەرٸ قاباننىڭ ۇشاسىن, تٸركەلمەگەن قوس ۇڭعىلى, تەگٸس ۇڭعىلى كٶلدەنەڭ, 16 كاليبرلٸ يج-27 ماركالى قارۋىن تەركٸلەگەن.
ساراپتاما ٶتكٸزٸلٸپ, سوتقا دەيٸنگٸ تەرگەۋ جٷرگٸزٸلٸپ جاتىر.
