كٶكشەتاۋدىڭ ٸرگەسٸندەگٸ ستانتسيوننىي كەنتٸنٸڭ تۇرعىنى قويشى ەبسەلەم قۇسمان ۇلدارى يمانەلٸ مەن ەرنۇرمەن بٸرگە 300-400 شارشى مەتر اۋماقتى شارپىعان دالا ٶرتٸن سٶندٸردٸ, دەپ حابارلايدى "ۇلت اقپارات".
ستانتسيوننىي كەنتٸنٸڭ ەكٸمدٸگٸنٸڭ مەلٸمەتٸنشە, 24 سەۋٸردە كەشكك كارەردٸڭ اينالاسىنداعى قۇرعاق شٶپ ٶرتەنگەن. كەنت ەكٸمٸ ارداق تاسقىنباي ٶرت شىققان جەرگە بارعان.
«كارەر ماڭىندا جٷرگەن ەر ادامدى كٶردٸم. باستاپقى دا ونى شٶپتٸ ٶرتەپ جٷرگەن وسى كٸسٸ دەپ ويلادىم. كەيٸن ونى كەرٸسٸنشە دالا ٶرتٸن سٶندٸرٸپ جٷرگەنٸنە كٶزٸ جەتتٸ. ونىڭ ەكٸ ۇلى دا ٷستٸندەگٸ سىرتقى كيٸمٸن شەشٸپ ەكەلەرٸنە ٶرتتٸ سٶندٸرۋگە كٶمەكستەستٸ», - دەيدٸ كەنت ەكٸمٸ ا.تاسقىنباي.
انىقتالعانداي, كەنت تۇرعىنى ەبسەلەم قۇسمانعا ٶرتتٸ سٶندٸرۋگە 11 جەنە 12 جاستاعى ۇلدارى كٶمەكتەسكەن.
«مەن قويشىمىن. تٷسكٸ ۋاقىتتا وتاردىڭ باسىندا بالالارىمدى قالدىرىپ, ٶزٸم ٷيگە تٷسكٸ اس ٸشۋگە كەتتٸم. بٸر كەزدە تٷتٸندٸ كٶرٸپ, كەيٸن قايتتىم. بارسام شٶپ ٶرتەنٸپ جاتىر ەكەن. بٸردەن ٶرتتٸ سٶندٸرۋگە كٸرٸستٸم. الدىمەن ۇلدارىم, كەيٸن كەنت ەكٸمٸ كەلٸپ كٶمەكتەستٸ», - دەيدٸ ەبسەلەم قۇسمان.
ايتا كەتسەك, ٶرت 300-400 شارشى مەتر اۋماققا جايىلعان. ٶرتتٸڭ تەز تارالۋىنا قاتتى جەل ەسەر ەتكەن. ابىروي بولعاندا ٶرت بٸر جارىم ساعاتتىڭ ٸشٸندە سٶندٸرٸلدٸ.
