اقمولا وبلىسىندا كوروناۆيرۋسقا شالدىعۋدىڭ 100 جاعدايى جالپى ستاتيستيكاعا ەنبەي قالعان. بۇل تۋرالى ٶڭٸر ەكٸمٸ ەرمەك مارجىقپاەۆ ايتتى دەپ حابارلايدى "ۇلت اقپارات".
ونىڭ ايتۋىنشا, وبلىس كوروناۆيرۋس بويىنشا «قىزىل ايماققا» ەندٸ. تەۋلٸكتٸك ٶسٸم ورتا ەسەپپەن 65-70 ادامعا جەتٸپ وتىر.
پرەزيدەنتتٸڭ سىنىنا توقتالعان ەكٸم «شىن مەنٸندە بٸزدٸڭ وبلىستاعى سانيتارلىق-ەپيدەميولوگييالىق مەكەمەنٸڭ شتاتى تەك 12 ادامنان قۇرالعان. جاپپاي ٸندەتكە شالدىعۋ بولعان جاعدايدا مەلٸمەتتەردٸ زەردەلەۋ شارالارىنا ماماندار ٷلگەرمەيدٸ. 100-گە تارتا وقيعانى تٸركەپ ٷلگەرمەگەن. پرەزيدەنتتٸڭ سىنى وبەكتيۆتٸ, دۇرىس دەپ سانايمىز. سوندىقتان ستاتيستيكا دۇرىس تٷزٸلۋٸ ٷشٸن قاجەتتٸ شارالاردى قابىلدادىق», - دەدٸ.
وسى ورايدا اتالعان 100 وقيعا رەسمي ستاتيستيكاعا ەنگەنٸن ناقتىلادى.
ەسكە سالا كەتەيٸك, كوروناۆيرۋس ٸندەتٸنٸڭ تارالۋىنا قارسى ٸس-قيمىل جٶنٸندەگٸ كەڭەستە پرەزيدەنت قاسىم-جومارت توقاەۆ كەي ٶڭٸرلەردە كوروناۆيرۋس جۇقتىرۋ فاكتٸلەرٸن جاسىرۋ جاعدايلارى كەزدەسكەنٸن ايتتى.
«بٸرقاتار وبلىستاردا كوروناۆيرۋس ٸندەتٸنە قاتىستى جاڭا جاعدايلاردى جاسىرۋ دەرەكتەرٸ انىقتالدى. ەڭگٸمە شىعىس قازاقستان, سولتٷستٸك قازاقستان, پاۆلودار, اقمولا, قوستاناي جەنە باسقا دا وبلىستار جايىندا بولىپ وتىر. ٶتٸرٸكتٸ شىنداي سٶيلەتۋ اسا قاۋٸپتٸ قۇبىلىس ەكەنٸن تٷسٸنۋ كەرەك. ٶيتكەنٸ ول شىنايى قاۋٸپتٸڭ بەتٸن بٷركەمەلەيدٸ. سونداي-اق بٷكٸل ەلٸمٸز بويىنشا كوروناۆيرۋس ٸندەتٸنە قارسى جٷرگٸزٸلٸپ جاتقان كٷرەس ستراتەگيياسىنا زييانىن تيگٸزەدٸ. قازٸرگٸ احۋال جەتە باعالانباي, قابىلدانعان شارالار تولىق جٷزەگە اسىرىلماي وتىر. حالىقتىڭ ٸندەتتەن ساقتانۋ دەڭگەيٸ تٶمەندەپ كەتكەن. بۇل – اكسيوما. مۇنداي جاعداي ەلەمنٸڭ كٶپتەگەن ەلٸندە بايقالۋدا. اتالعان پروبلەمانىڭ بٸزدٸڭ دەنساۋلىق ساقتاۋ جٷيەمٸزدە دە سوزىلمالى سيپات العانىن مويىنداۋىمىز كەرەك», – دەدٸ قاسىم-جومارت توقاەۆ.
