اقمولا وبلىسىندا 58 جىلقىنى ۇرلاعان كٷدٸكتٸلەر ۇستالدى, دەپ حابارلايدى "ۇلت اقپارات" وبلىستىق پد باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, 2019 جىلعى قىركٷيەكتٸڭ 17-دە ەرەيمەنتاۋ اۋداندىق پوليتسييا بٶلٸمٸنە جەرگٸلٸكتٸ تۇرعىننان ارىز تٷسكەن. ونىڭ سٶزٸنشە, جايىلىپ جٷرگەن 58 جىلقىسى جوعالعان. شىعىن كٶلەمٸ - 17 ميلليون تەڭگە.
«اقمولا وبلىسىنىڭ پد كريمينالدى پوليتسييا قىزمەتكەرلەرٸ مەن ەرەيمەنتاۋ اۋدانىنىڭ پوليتسەيلەرٸ جٷرگٸزگەن جەدەل-ٸزدەستٸرۋ شاراسى بارىسىندا تسەلينوگراد اۋدانى جەنە نۇر-سۇلتان قالاسىنىڭ 26 جەنە 41 جاستاعى تۇرعىندارى ۇستالدى. تەرگەۋ كەزٸندە انىقتالعانداي, كٷدٸكتٸلەر قاراۋسىز جايىلىپ جٷرگەن جىلقىلاردى ەرەيمەنتاۋ اۋدانىنان ايداپ ەكەتٸپ, ارشالى اۋدانىنىڭ قوستومار اۋىلىنداعى شارۋاشىلىق قوراسىنا قاماعان. كەيٸن «MAN» جٷك كٶلٸگٸنٸڭ كونتەينەرٸنە تيەپ, نۇر-سۇلتان قالاسىنا جەتكٸزبەك بولعان. الايدا, ارادا بٸرەر ساعات ٶتكەندە بٸراز جىلقى اۋا جەتپەي كونتەينەردٸڭ ٸشٸندە تۇنشىعىپ, ٶلٸپ قالعان», - دەيدٸ ۆەدومستۆودان.
وسىعان دەيٸن حابارلانعانداي, نۇر-سۇلتان قالاسىنان كٶكشەتاۋ باعىتىندا 200 مەتر قاشىقتىقتا جىلقىلاردىڭ ٶلەكسەسٸ تابىلعان ەدٸ. انىقتالعانداي, جانۋارلار كٷدٸكتٸلەردٸڭ جٷك كٶلٸگٸنەن تٷسٸرٸلگەن.
«قازٸرگٸ كەزدە مال ۇرلىعىنا قاتىستى قر قك 188-بابىنىڭ 4-بٶلٸگٸ بويىنشا ٸس قوزعالىپ, سوتقا دەيٸنگٸ تەرگەۋ جٷرگٸزٸلۋدە. كٷدٸكتٸلەر ۋاقىتشا ۇستاۋ وقشاۋلاعىشىنا قامالدى», - دەپ تولىقتىردى ۆەدومستۆودان.
