اقمولا وبلىسىندا نۇر-سۇلتان قالاسىنان 3 ادامدى الداپ اپارىپ, كارتوپ قازۋ جۇمىستارىنا سالۋ فاكتٸسٸ بويىنشا قىلمىستىق ٸس قوزعالدى, حابارلايدى قازاقپارات.
بۇل تۋرالى ٸشكٸ ٸستەر مينيسترلٸگٸ كريمينالدىق پوليتسييا دەپارتامەنتٸ باستىعىنىڭ ورىنباسارى قانات نۇرماعامبەتوۆ ۆەدومستۆونىڭ اقپارات الاڭىندا ايتتى.
«اقمولا وبلىسىندا ٷش ەر ادامدى زاڭسىز باس بوستاندىعىنان ايىرۋ ەرەكەتٸ انىقتالدى. ولاردى نۇر-سۇلتان قالاسىنان الداپ شىعارىپ, قىركٷيەكتٸڭ باسىنان بەرٸ جاۋاپكەرشٸلٸگٸ شەكتەۋلٸ سەرٸكتەستٸكتەردٸڭ بٸرٸندە كٷشتەپ جۇمىسقا سالعان. ەر ادامدار باقشادان قازىلعان كارتوپتى ٸرٸكتەۋگە تارتىلعانى اننىقتالدى. ولارعا كٷن سايىنعى جۇمىستارى ٷشٸن 8-10 مىڭ تەڭگە قولما-قول اقشا تٶلەۋگە ۋەدە بەرٸلگەن», - دەدٸ ٸٸم ٶكٸلٸ.
ونىڭ ايتۋىنشا, ۋەدە ەتٸلگەن اقشا تٶلەنبەگەن.
«زارداپ شەگۋشٸلەر كونتەينەردە تٷنەپ, تەۋلٸگٸنە 12-13 ساعات جۇمىس ٸستەپ كەلگەن. ٷيگە قايۋعا ەرەكەتتەنگەنٸمەن, كٷش قولدانىپ, قورقىتۋ ارقىلى زاڭسىز ۇستالعان. بۇل فاكتٸ بويىنشا قىلمىستىق كودەكستٸڭ 128-بابىنا سەيكەس (ادام ساتۋ) ٸس قوزعالدى», - دەدٸ قانات نۇرماعامبەتوۆ.
