Aqmola oblysynda Nur-Sultan qalasynan 3 adamdy aldap aparyp, kartop qazý jumystaryna salý faktisi boiynsha qylmystyq is qozǵaldy, habarlaidy QazAqparat.
Bul týraly Ishki ister ministrligi Kriminaldyq politsiia departamenti bastyǵynyń orynbasary Qanat Nurmaǵambetov vedomstvonyń aqparat alańynda aitty.
«Aqmola oblysynda úsh er adamdy zańsyz bas bostandyǵynan aiyrý áreketi anyqtaldy. Olardy Nur-Sultan qalasynan aldap shyǵaryp, qyrkúiektiń basynan beri jaýapkershiligi shekteýli seriktestikterdiń birinde kúshtep jumysqa salǵan. Er adamdar baqshadan qazylǵan kartopty irikteýge tartylǵany annyqtaldy. Olarǵa kún saiynǵy jumystary úshin 8-10 myń teńge qolma-qol aqsha tóleýge ýáde berilgen», - dedi IIM ókili.
Onyń aitýynsha, ýáde etilgen aqsha tólenbegen.
«Zardap shegýshiler konteinerde túnep, táýligine 12-13 saǵat jumys istep kelgen. Úige qaiýǵa árekettengenimen, kúsh qoldanyp, qorqytý arqyly zańsyz ustalǵan. Bul fakti boiynsha qylmystyq kodekstiń 128-babyna sáikes (adam satý) is qozǵaldy», - dedi Qanat Nurmaǵambetov.
