اقمارجان قالمۇرزاەۆا فريستايل-اكروباتيكادان وليمپيادا ويىندارىنىڭ بٸرٸنشٸ فينالىندا باق سىنادى. ول ٷزدٸك 12 سپورتشىنىڭ ٸشٸنەن 11-شٸ ورىن الدى. جارىس سوڭىندا اقمارجان Olympic.kz سايتىنا سۇحبات بەرٸپ, ٶز كٶرسەتكٸشٸنە توقتالدى, دەپ حابارلايدى "ۇلت اقپارات".
«تٶرەشٸلٸك تۋرالى ەشتەڭە ايتا المايمىن. بٸرٸنشٸ مٷمكٸندٸگٸمدە قاتە جٸبەردٸم. مۇنداي سەتتەردٸ تٶرەشٸلەر قاپەردە ۇستايدى. ەكٸنشٸ رەت سەكٸرگەندە شاڭعىم جارىس جولىنان شىعىپ كەتتٸ. ەگەر سپورتشى ترامپلينگە جەتە الماي قالسا, ەڭ سوڭىندا نەمەسە تٶرەشٸ انىقتاعان رەت بويىنشا قايتادان سەكٸرەدٸ.
ٶكٸنٸشكە قاراي, مۇنداي سەتتٸ تولىعىمەن پايدالانا المادىم. سوندىقتان, 11-شٸ ورىندا قالدىم. ٸرٸكتەۋدە ٶزٸمنٸڭ قولىمنان كەلەتٸن ەڭ قيىن ەلەمەنتتٸ ورىندادىم. پسيحولوگييالىق تۇرعىدان قيىن بولدى. ٸرٸكتەۋ دە ٶتە قيىن ٶتتٸ. بارشاڭىزعا قولداۋ كٶرسەتكەندەرٸڭٸز ٷشٸن راحمەت ايتامىن», - دەدٸ قالمۇرزاەۆا.
