اتىراۋ وبلىستىق ەكٸمدٸگٸنٸڭ قىزمەتكەرلەرٸ قايتىس بولعان پوليتسەي شالقار اقىمعاليەۆتٸڭ وتباسىنا بٸر كٷندٸك ەڭبەكاقىسىن اۋدارادى.
بٷگٸن اتىراۋ قالاسىنىڭ ەكٸمٸ اليمۇحاممەد قۇتتۇمۇراتۇلى مارقۇمنىڭ ەرٸپتەسٸ پوليتسييا كٸشٸ لەيتەنانتى رٷستەمبەك سٷندەتوۆپەن كەزدەستٸ. ول 21 ناۋرىز كٷنٸ كەشكٸسٸن كٶپٸردەن سەكٸرگەن ەيەلدٸ قۇتقارىپ قالعان بولاتىن. ٶكٸنٸشكە قاراي, سول تٷنٸ قاسىندا بولعان ەرٸپتەسٸ شالقار اقىمعاليەۆتٸڭ عۇمىرى ٷزٸلدٸ. رٷستەمبەك جولداسىنىڭ دەنەسٸن ٶزەننەن ٶزٸ الىپ شىققىسى كەلٸپ, كٶپ ٸزدەگەنٸمەن تابا المادى. 3 گرادۋستان اسپايتىن تەمپەراتۋراداعى سۋىق سۋدان 30 جاستاعى كٸشٸ لەيتەنانت سٷندەتوۆ جاعالاۋعا امان شىقتى. رٷستەمبەك ٷيلەنگەن, ەكٸ بالانىڭ ەكەسٸ.
«بٷگٸندە قوعامدا پوليتسيياعا قاتىستى قالىپتاسىپ قالعان تەرٸس ستەرەوتيپ بار. قۇقىق قورعاۋ ورگاندارى قىزمەتكەرلەرٸ تۋرالى سىندى جيٸ ەستيمٸز. سٸزدەر, ٶمٸردەن ٶتكەن شالقار اقىمعاليەۆ ەكەۋٸڭٸز قازاقستاندىق پوليتسييا تۋرالى سونداي تٷسٸنٸكتەردٸ تەرٸسكە شىعاردىڭىزدار. ٶسكەلەڭ ۇرپاققا ٷلگٸ بولدىڭىزدار, اتا-انانىڭ تەربيەلٸ ۇلى ەكەندٸكتەرٸڭٸزدٸ كٶرسەتتٸڭٸزدەر, سٸزدەردٸ بارشا ەل ماقتان ەتەدٸ», - دەدٸ اليمۇحاممەد قۇتتۇمۇراتۇلى.
اتىراۋ قالاسىنىڭ ەكٸمٸ رٷستەمبەك سٷندەتوۆكە قۇرمەت گراموتاسىن تابىستاپ, باتىل ەرەكەتٸ ٷشٸن العىس بٸلدٸردٸ.
ەسكە سالساق, 22 ناۋرىزدا اتىراۋ وبلىسىنىڭ تۇرعىندارى ەرلٸكپەن قازا تاپقان پوليتسييا قىزمەتكەرٸ شالقار اقىمعاليەۆتٸ بٸر مينۋت ٷنسٸزدٸكپەن ەسكە الىپ, رۋحىنا تاعزىم ەتكەن بولاتىن. باتىردى سوڭعى ساپارىنا شىعارىپ سالۋ رەسٸمٸنە جٷزدەگەن ازامات جينالدى. سونداي-اق, ايماق باسشىلىعى مەن وبلىستىق پوليتسييا دەپارتامەنتٸ پوليتسەيدٸڭ جەرلەۋ رەسٸمٸنە بايلانىستى شىعىنداردى كٶتەردٸ.
