فوتو: primeminister.kz
تٷركٸستان وبلىسىنىڭ ەكٸمٸ دارحان ساتىبالدى ورتالىق كوممۋنيكاتسييالار قىزمەتٸندە ٶتكەن بريفينگٸدە تٷرٸك اسپازى بۋراك ٶزدەميرگە نەگە شاپان جاپقانىن تٷسٸندٸردٸ, دەپ حابارلايدى Kazinform.
«تٷركٸستانعا كەلگەن بەلگٸلٸ اسپاز بۋراك ٶزدەميرگە شاپان جاپقان ەدٸڭٸز. ول تٷركٸستاندا مەيرامحانا اشاتىنىن ايتىپ كەتتٸ. سول ۇسىنىس نە بولىپ جاتىر? تٷرٸك كەسٸپكەرٸنە كٶرسەتكەندەي قۇرمەتتٸ ٶزٸمٸزدٸڭ كەسٸپكەرلەرگە كٶرسەتٸپ جٷرسٸز بە?», - دەپ سۇرادى جۋرناليست.
وبلىس ەكٸمٸ ەيگٸلٸ اسپازدى ٶزبەكستاندا جٷرگەن جەرٸنەن الدىرعانىن ايتتى.
«ونى بٸز تاشكەنتتە جٷرگەننەن كەيٸن بەرٸ قاراي شاقىردىق. شاقىرعاننان كەيٸن كەلٸپ, تٷركٸستاندى كٶرٸپ, ٶزٸ تاڭعالىپ كەتٸپ وتىر. ونىڭ مەلٸمەتٸ بويىنشا تٷركٸستانعا كەلگەننەن كەيٸن مىڭداعان ادام جازىپتى. وقىرمانىنىڭ سانى 70 ميلليونداي ەكەن. «وسىلاردىڭ بەرٸ كٶرٸپ وتىر», - دەپ, مەيرامحانا اشۋ تۋرالى ۇسىنىس جاسادى. بٸراق ول ٶزٸ اشپايدى. فرانشيزاسىن بەرەدٸ, سونداي ۋەدە بەردٸ. سول فرانشيزا بويىنشا مەيرامحانا سالاتىن كەسٸپكەرلەر بولسا, قولداۋعا دايىنبىز. ال شاپاندى تٷركٸستانعا كەلگەن سوڭ جاپتىق», - دەدٸ ول.
ەكٸمنٸڭ سٶزٸنشە, وسى ساپاردان كەيٸن تٷركييا جاستارىنىڭ نازارى تٷركٸستانعا اۋعان.
«تٷرٸك مەملەكەتٸندەگٸ جاستار دا ول ارقىلى تٷركٸستاندى تانىپ, ول ارقىلى كەسەنەنٸ, كەرۋەن سارايدى كٶرٸپ جاتىر. تٷركٸ مەملەكەتتەرٸنٸڭ رۋحاني استاناسى بار ەكەنٸن بٸلٸپ جاتىر. وسىنداي تانىمال ازاماتتاردى بٸز ەرقاشان شاقىرامىز. شاپان جابۋعا دايىنبىز. ەشقانداي پروبلەما جوق.
ال قازاقستاندىق كەسٸپكەرلەردٸ مەن شاقىرمايمىن. ولاردىڭ الدىنا مەن ٶزٸم بارام. ەر اۋدان بٸلەدٸ. شاعىن تسەح اشسا دا, ٶزٸم بارىپ تٸكەلەي سۇحباتتاسامىن, قانداي كٶمەك كەرەك ەكەنٸن سۇرايمىن», - دەدٸ دارحان ساتىبالدى.
