الماتى وبلىسىندا 71 اۋىلدىق وكرۋگ ەكٸمٸن سايلاۋ ناۋقانى قارقىندى جٷرٸپ جاتىر, دەپ حابارلايدى "ۇلت اقپارات".
بٷگٸنگٸ تاڭدا ٷمٸتكەرلەردٸڭ ۇسىنىمىن قابىلداۋ اياقتالدى. الداعى كەزەكتە ٷگٸت-ناسيحات جۇمىستارى مەن ەكٸمدەردٸ سايلاۋ ٸسٸ تۇر.
279 تۇلعا ۇسىنىم جٸبەرٸپ ٷلگەرگەن. ونىڭ ٸشٸندە 93-ٸ - ساياسي پارتييا ٶكٸلدەرٸ بولسا, 186 ازامات اۋىلدىق وكرۋگتٸ باسقارۋعا قاۋقارلىمىن دەپ ٶزٸن-ٶزٸ ۇسىنعان.
ايتا كەتۋ كەرەك, اقسۋ, الاكٶل, كەگەن, كەربۇلاق, پانفيلوۆ اۋداندارىنا قاراستى اۋىلدىق وكرۋگتەرٸنە ەكٸم بولىپ سايلانامىن دەۋشٸلەر ٶزٸن-ٶزٸ ۇسىنعان.
كانديداتتار اراسىنان 243-ٸ تالاپقا ساي كەلسە, 16 تۇلعا ساياسي بەسەكەدەن شەت قالدى.
اۋىلدىق وكرۋگتٸ باسقارۋعا باعىن سىناپ جاتقانداردىڭ ٸشٸندەگٸ ەڭ جاسى جانتاس امانگەلدٸۇلى. جاسى 25-تە. الاكٶل اۋدانىنىڭ تەرەكتٸ اۋىلدىق وكرۋگٸن باسقارماققا ٶز كانديداتۋراسىن ۇسىنعانداردىڭ بٸرٸ.
ەڭبەكشٸقازاق اۋدانىنا قاراستى, بالتاباي اۋىلدىق وكرۋگٸنٸڭ تٸزگٸگٸن ۇستاماققا ۇسىنىم بەرگەن جۇمان مىقتىباەۆ - ٷمٸتكەرلەردٸڭ ٸشٸندەگٸ ەڭ ٷلكەنٸ. ونىڭ جاسى 62-دە.
«154 ٷمٸتكەر جۇمىس ٸستەپ جٷرگەن مەملەكەتتٸك قىزمەتشٸلەر بولىپ تابىلادى. ونىڭ ٸشٸندە 35 ٷمٸتكەر قايتا سايلانۋ ارقىلى داۋىسقا سالىنادى. ورتاشا بەسەكە – 3,9 ادام. بارلىق وكرۋگتە ٷمٸتكەرلەردٸڭ سانى 3-تەن كٶپ. ەڭ كٶپ ٷمٸتكەر تٸركەلگەن ايماق - ٸلە اۋدانى چاپاەۆ اۋىلدىق وكرۋگٸ. مۇنداعى كانديداتتاردىڭ سانى - 9», - دەيدٸ الماتى وبلىستىق سايلاۋ كوميسسيياسىنىڭ مٷشەسٸ قاھارمان جاقسىلىق.
