تٷركٸستان قالاسىنىڭ ەكٸمٸ راشيد ايۋپوۆ Facebook-تاعى پاراقشاسىندا اقش تٷسٸرگەن "ەلەس توپ" (6 Underground) فيلمٸنٸڭ رەجيسسەرٸ مايكل بەيۋ مەن امەريكالىق Netflix كومپانيياسىنا ٷندەۋ تاستادى. ول فيلمدەگٸ ويدان قۇراستىرىلعان "تۋرگيستان" مەملەكەتٸن كٶرەرمەندەر قازاقستاندىق تٷركٸستان قالاسىمەن شاتىستىرىپ الۋى مٷمكٸن ەكەنٸن ايتىپ, تٷركٸستاننىڭ فيلمدە ايتىلعان تۋرگيستاننان "مٷلدە باسقا قالا ەكەنٸن" جەتكٸزدٸ. ول بۇعان "كٶز جەتكٸزۋ ٷشٸن" رەجيسسەردٸ 1500 جىلدىق تاريحى بار قالاعا شاقىرىپ, رەجيسسەردەن كٶرەرمەندەردٸ اداستىرماۋدى دا سۇراعان.
"بٸزدٸڭ ويىمىزشا, بۇل فيلمدٸ كٶرگەننەن كەيٸن ەلەمدە ميلليونداعان ادام ويدان قۇراستىرىلعان تٷرگيستان فيلمٸ جايلى ويلانۋى مٷمكٸن جەنە ەكٸ اتاۋ بٸر-بٸرٸنە ۇقساس بولعاندىقتان قالامىز جايلى تەرٸس پٸكٸرٸ قالىپتاستىرۋى ىقتيمال. بۇعان قوسا, قازٸردٸڭ ٶزٸندە ەلدە كٶپ ادامدار فيلم تٷركٸستان قالاسى تۋرالى دەپ ايتىپ جاتىر" دەپ جازدى ەكٸم.
جەلتوقسان ايىندا فيلم شىققاننان كەيٸن تٷركٸمەنستاننىڭ كەيبٸر قالالارىندا "امەريكاعا قارسى ٷگٸت-ناسيحات" جٷرگەنٸ ايتىلعان ەدٸ. ازاتتىقتىڭ تەجٸك قىزمەتٸنٸڭ حابارلاۋىنشا, مەكتەپ پەن مەدەنيەت ٷيلەرٸنە جوعارى سىنىپ وقۋشىلارى مەن مەملەكەتتٸك قىزمەتكەرلەر شاقىرىلىپ, اقش-تىڭ "تٷركٸمەنستان جاۋى" ەكەنٸ, "حالىقتىڭ نارازىلىعىن تۋدىرۋدى كٶزدەيتٸنٸ" ايتىلعان.
13 جەلتوقساندا جارىق كٶرگەن Netflix فيلمٸندە قازٸرگٸ تٷركٸمەنستاندى ەسكە سالاتىن دەتالدار بار. 150 ميلليون دوللارعا تٷسٸرٸلگەن فيلمدە اقش ميللياردەرٸ ويدان شىعارىلعان تۋرگيستان مەملەكەتٸندە دەموكراتييا ورناتىپ, قاتىگەز ديكتاتوردىڭ كٶزٸن جويعىسى كەلەدٸ.
فيلم تٷركٸمەنستاندا تەز تارالىپ, ونى جابىق تٷردە كٶرسەتكەن كەيبٸر سالوندارعا ايىپپۇل سالىنعان. تٷركٸمەنستاندا Netflix سايتى مەن ونىڭ قوسىمشاسىن جٷكتەپ الاتىن Google Play جابىلعان.
