قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى مارات احمەتجانوۆ بۇۇ باس اسسامبلەياسىنىڭ 32-شٸ ارنايى سەسسيياسىندا سىبايلاس جەمقورلىقتىڭ الدىن الۋ, وعان قارسى كٷرەس جەنە حالىقارالىق ىنتىماقتاستىقتى كٷشەيتۋ سالاسىنداعى سىن-قاتەرلەر مەن شارالار بويىنشا سٶز سٶيلەدٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
بۇۇ باس اسسامبلەياسىنىڭ وسى مەسەلەگە ارنالعان ارنايى سەسسيياسى العاش رەت ٶتۋدە.
انتيكور باسشىسى ٶز سٶزٸندە تەۋەلسٸزدٸك جىلدارى قازاقستاندا سىبايلاس جەمقورلىققا قارسى ٸس-قيمىل مەسەلەلەرٸندە ەلەۋلٸ جۇمىس جٷرگٸزٸلگەنٸن اتاپ ٶتتٸ. ٸسكە اسىرىلعان شارالاردىڭ ارقاسىندا قازاقستان ەكٸ جىل ٸشٸندە دٷنيەجٷزٸلٸك بانكتٸڭ سىبايلاس جەمقورلىقتى باقىلاۋ ينديكاتورى بويىنشا كٶرسەتكٸشٸن ەكٸ ەسەدەن استام جاقسارتتى, ترانسپارەنسي ينتەرنەشنل سىبايلاس جەمقورلىقتى قابىلداۋ يندەكسٸ بويىنشا ٶسٸم 30 ورىندى قۇرادى.
ونىڭ ايتۋىنشا, سىبايلاس جەمقورلىققا قارسى ٸس-قيمىل سالاسىنداعى جۇمىستىڭ تيٸمدٸلٸگٸن ارتتىرۋ بويىنشا جۇمىس جالعاسۋدا.
مەسەلەن, بٷگٸندە سىبايلاس جەمقورلىققا قارسى باستامالار – ەلٸمٸزدە جٷرگٸزٸلٸپ جاتقان اۋقىمدى ٶزگەرٸستەردٸڭ بٸر بٶلٸگٸ. بٸر جاعىنان, قاۋٸپسٸز قىلمىستى العاش رەت جاساعاندارعا زاڭنىڭ رەپرەسسيۆتٸلٸگٸ تٶمەندەسە, ەكٸنشٸ جاعىنان, سىبايلاس جەمقورلىقتى قوسا العاندا, اۋىر, ەلەۋمەتتٸك قاۋٸپتٸ ەرەكەتتەر ٷشٸن جاۋاپكەرشٸلٸك كٷشەيتٸلەدٸ.
سونداي-اق, بيىلدان باستاپ قىلمىستىق قۋدالاۋ ورگاندارى تٷبەگەيلٸ جاڭا جاعدايلاردا جۇمىس ٸستەيدٸ. اتاپ ايتقاندا, ەىدۇ ەلدەرٸنٸڭ تەجٸريبەسٸ بويىنشا قىلمىستىق پروتسەستٸڭ ٷش بۋىندى مودەلٸ ەنگٸزٸلدٸ. جينالعان دەلەلدەمەلەر پروكۋرور تاراپىنان تەۋەلسٸز باعالانادى, ونىڭ كەلٸسٸمٸنسٸز ەشقانداي نەگٸزگٸ ٸس جٷرگٸزۋ شەشٸمٸنٸڭ زاڭدى كٷشٸ بولمايدى.
قورىتىندىلاي كەلە, م.احمەتجانوۆ قازاقستان سىبايلاس جەمقورلىقتى ونىڭ بارلىق نىساندارىندا جويۋ باعىتىن ۇستاناتىنىن جەنە بارلىق مٷددەلٸ تاراپتارمەن ىنتىماقتاستىققا دايىن ەكەنٸن اتاپ ٶتتٸ.
بۇۇ باس اسسامبلەياسىنىڭ ارنايى سەسسيياسىنىڭ پلەنارلىق وتىرىستارىندا بۇۇ-نىڭ سىبايلاس جەمقورلىققا قارسى كونۆەنتسيياسىنا مٷشە مەملەكەتتەر مەن ٷەۇ ٶكٸلدەرٸنٸڭ, سونداي-اق باس اسسامبلەياداعى باقىلاۋشىلاردىڭ بايانداما جاسايدى.
ٸس-شارا قورىتىندىسى بويىنشا ناقتى ٸس-قيمىلعا باعدارلانعان ساياسي دەكلاراتسييانى قابىلداۋ جوسپارلانىپ وتىر. اتالعان قۇجاتتىڭ جوباسىندا سىبايلاس جەمقورلىققا قارسى ٸس-قيمىلدىڭ كەشەندٸ تەسٸلٸن قامتاماسىز ەتۋگە, حالىقارالىق قوعامداستىقتىڭ بٸرلەسكەن كٷش-جٸگەرٸن قابىلداۋعا جەنە پاراساتتىلىقتى, اشىقتىق پەن ەسەپتٸلٸكتٸ ٸلگەرٸلەتۋگە ەرەكشە نازار اۋدارىلعان.
ٸس-شارا 2-4 ماۋسىم ارالىعىندا نيۋ-يورك قالاسىندا (اقش) ونلاين فورماتتا ٶتتٸ.
