شىعىس قازاقستان وبلىسىنىڭ ەكٸمٸ دانيال احمەتوۆ ٶڭٸردەگٸ مەكتەپ وقۋشىلارى كوروناۆيرۋستى كٶبٸنە ٷي جاعدايىندا جۇقتىرعانىن ايتتى, دەپ حابارلايدى "ۇلت اقپارات".
«ٶڭٸردە كوروناۆيرۋس ينفەكتسيياسىنىڭ تارالۋىنا بايلانىستى كٷردەلٸ جاعداي ساقتالىپ وتىر. COVID-19 العاشقى وقيعاسى تٸركەلگەن سەتتەن باستاپ, 14 402 جۇقتىرۋ جاعدايى تٸركەلدٸ. وبلىس اۋرۋحانالارىندا بٷگٸن 659 ادام جاتىر. اپتاسىنا ورتاشا ٶسۋ قارقىنى 1,7 پايىزدى قۇرايدى», - دەدٸ ەكٸم بٷگٸن ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
سونىمەن قاتار ول وقۋشىلاردىڭ ٸندەتكە شالدىعۋ جاعدايىنا قاتىستى توقتالدى.
«ٶكٸنٸشكە قاراي, وقۋ باستالعاننان بەرٸ وبلىستا وقۋشىلار اراسىندا كوروناۆيرۋستىڭ 410 وقيعاسى تٸركەلدٸ. ونىڭ ٸشٸندە 291 وقۋشى قاشىقتان, 119 وقۋشى 93 مەكتەپتە شتاتتىق رەجيمدە وقىدى. ٸندەت تابىلعاننان كەيٸن بارلىق مەكتەپتەر جابىلىپ, وقۋشىلار قاشىقتان وقىتۋعا اۋىستىرىلدى. ۆيرۋس كٶبٸنەسە ٷي جاعدايىندا جۇققان. بٷگٸنگٸ تاڭدا وبلىس اۋرۋحانالارىندا وقۋشىلار جوق», - دەدٸ دانيال احمەتوۆ.
ونىڭ ايتۋىنشا, تولىق مەديتسينالىق جابدىقتالعان 6,2 مىڭ تٶسەك-ورىن دايىندالدى. ينفەكتسييالىق بٶلٸمدەردەگٸ ەمدەلۋشٸلەر وكسيگەنوتەراپييامەن جٷز پروتسەنت قامتىلعان.
ايتا كەتەيٸك, شىعىس قازاقستان وبلىسى كوروناۆيرۋس جۇقتىرۋ جاعدايلارى بويىنشا «قىزىل ايماققا» ەنگەن.
