قوستاناي وبلىسى جانگەلدٸ اۋدانىنىڭ تۇرعىندارى احمەت بايتۇرسىنۇلى دٷنيەگە كەلگەن ٷيدٸ قالپىنا كەلتٸردٸ. بيىل ۇلت كٶسەمٸنٸڭ ٷيٸندە اۋقىمدى جٶندەۋ جۇمىستارى جالعاساتىن بولادى, دەپ حابارلايدى "ۇلت اقپارات" alau.kz-كە سٸلتەمە جاساپ.
ا. بايتۇرسىنۇلى اۋىلىنىڭ جانىندا كٶنە قورىم بار. سازدان سوعىلعان قورشاۋلار ەبدەن ٷگٸتٸلٸپ بٸتكەن. ا. بايتۇرسىنۇلىنىڭ تۋىستارى جەرلەنگەن بٸر عاسىر بۇرىنعى زيراتتار دا بٸرتە-بٸرتە جەمٸرٸلۋدە. مولادان بٸر شاقىرىمداي جەردە, اقكٶل جەنە ا. بايتۇرسىنۇلى اۋىلدارىنىڭ اراسىندا كٸشٸگٸرٸم ٷي بار. كٶنەكٶز قارتتاردىڭ ايتۋىنشا, سول جەردە 1872 جىلعى 5 قىركٷيەكتە «الاش» پارتيياسىنىڭ ٶكٸلٸ, قازاقتىڭ ۇلى عالىمى ەرٸ اعارتۋشى احمەت بايتۇرسىنۇلى دٷنيەگە كەلگەن.
ول كەزدەرٸ مۇندا سارىتٷبەك اۋىلى وتىرعان.
«اتا-بابالارىمىزدىڭ ايتۋىنشا, احمەت بايتۇرسىنۇلى تۋعان ٷي قاز-قالپىندا ساقتالعان. كەڭەستٸك كەزەڭدە وسىندا قونىستانعان كەڭشاردىڭ باقتاشىلارى دا ونى بارىنشا ساقتاعان. بٸراق كەيٸن ٷي بۇزىلىپ كەتتٸ. ەكٸ اۋىلدىڭ جاستارى ٷيدٸ باياعى پٸشٸنٸ بويىنشا قالپىنا كەلتٸردٸ», - دەپ حابارلايدى اقكٶل اۋىلىنىڭ ەكٸمٸ بالعاباي قاليەۆ.
ٷيدٸ ساقتالىپ قالعان ٸرگەتاسىنىڭ ارقاسىندا قالپىنا كەلتٸرۋ مٷمكٸن بولدى. مۇندا بار بولعانى ەكٸ بٶلمە بار, ولارعا ورتاق بٸر پەش سالىنعان. ەندٸ ٷيدە كٸشٸگٸرٸم مۋزەي دە بار. مۋزەيدٸ نەگٸزٸنەن مەكتەپ وقۋشىلارى كەلٸپ تاماشالايدى.
بيىل ٷيدٸ كٷردەلٸ جٶندەۋ تۋرالى شەشٸم قابىلدانىپ, وعان 11 ملن تەڭگە مٶلشەرٸندە قاراجات بٶلٸندٸ.
