بٸراز ۋاقىت بولدى ۋيستەن حيۋ ودەندٸ جاعالاپ وقىپ جٷرمٸن. بۇل تەنتەك نەمەنٸ ەدەبيەتتانۋشىلار حح عاسىردىڭ ۇلى اقىندارىنىڭ قاتارىنا جاتقىزادى. سابازدىڭ تٸلٸ قىرشاڭقى, مٸنەزٸ شالدۋارلاۋ, ويلارى بٶلەك. ۇنايدى. ۇنامايتىن جەرلەرٸ دە الايدا بارشىلىق. ۇنايتىن جەرلەرٸن تابۋ ٷشٸن كەيدە ۇزاق-سونار, كەيدە كەلتە-شولاق ٶلەڭدەرٸن ماي شاممەن وقۋ كەرەك بولادى. مەزٸ قىپ جٸبەرەتٸن تۇستارى دا جوق ەمەس. ۋيستەن بريتانييادا تۋىپ, كەيٸن اقش ازاماتتىعىن العان ەكەن. 66 جاسىندا اۆسترييادا ٶلگەن. پەلەنباي xالىقارالىق بەدەلدٸ سىيلىقتار العان, ول بٸزگە قىزىق ەمەس. كٸمگە كەرەك گۋگل اعايدان سۇراپ الار. ماڭىزدىسى - قىزىق اقىن.
ٶلەڭدەرٸن اعىلشىن تٸلٸن مەڭگەرگەن كەزدە اۋدارارمىن مٷمكٸن. ەزٸرگە ورىس تٸلٸنە اۋدارىلعان كەيبٸر ويلارىن قازاقشالاپ ەدٸم, قولدارىڭىز بوس بولسا, وقي سالىڭىزدار.
***
مەن ٷش ۇلى اقىندى بٸلۋشٸ ەدٸم, ولاردىڭ بارلىعى دا جوعارى دەڭگەيدەگٸ يتتٸڭ عانا بالالارى بولاتىن: يەيتس, فروست, برەحت.
***
مەسكەۋلٸكتەر بٸر بٸرٸنە كرەملدٸڭ ٷنەمٸ جارىعى جانىپ تۇراتىن تەرەزەسٸن نۇسقاپ: "بۇل ەڭبەكقور ارا - ستالين" دەيتٸن كٶرٸنەدٸ.
تٷندەلەتٸپ تەك گيتلەرلەر جۇمىس ٸستەيدٸ.
***
مەنٸڭ قۇداي الدىنداعى جالعىز مٸندەتٸم - باقىتتى بولۋ, ال جاقىنىمنىڭ الدىنداعى پارىزىم - وعان لەززات سىيلاۋ جەنە ونىڭ مۇڭ-قايعىسىن جەڭٸلدەتۋ.
***
ورىس جازۋشىلارىنىڭ ٸشٸندەگٸ ەڭ جاقسىسى - چەxوۆ. سەندەردٸڭ ارالارىنداعى جالعىز ەسٸ دۇرىس ادام سول عانا.
***
ماعان ورىستار اۆتوكٶلٸك تەرەزە تازالاعىشىن ٷنەمٸ ۇرلايدى دەپ ايتتى. نەگە?
***
تەك ەيەلدەر عانا كٷلكٸلٸ وقيعانى ەستٸپ العان سوڭ: "بۇل شىنىمەن بولعان با?" دەپ سۇرايدى.
***
مەن ساعات تٸلٸ بويىنشا ٶمٸر سٷرەمٸن. قولىمدا ساعات بولماسا, قاي ۋاقىتتا قارنىم اشاتىنىن دا بٸلمەيدٸ ەكەم.
***
كٷردەلٸ سۇراق قويۋ ما? تٷك قيىن ەمەس!
***
ٶلەڭنٸڭ ەكەسٸ - اقىن, شەشەسٸ - تٸل.
***
جاڭا پوەزييانىڭ كٷردەلٸلٸگٸ جٶنٸندە سىن ايتار الدىندا, ادام ٶزٸنەن "مەن قانشا رەت جان دٷنيەمدٸ دەل وسىلاي تەرەڭ ەرٸ شىنايى اقتارا الدىم دەپ سۇراۋ كەرەك".
***
ا, قۇداي, كٸتاپ جاراتقانىڭىزعا زور العىس! ەيتپەسە ادامداردىڭ ەڭگٸمەسٸنەن ەسٸم باياعىدا-اق اۋىپ كەتۋشٸ ەدٸ.
***
اجال - پيكنيكتە سەنٸ قۋىپ جەتكەن الىستاعى كٷن كٷركٸرٸنٸڭ دىبىسى.
--------------------------------
ايتپاقشى, ودەندٸ ورىس تٸلٸندە سٶيلەتكەن برودسكيي ول تۋرالى بىلاي دەپتٸ:
"ماعان ودەننٸڭ بەتٸ كەسٸرتكە مەن تاسباقانىڭ تەرٸسٸن ەسكە سالاتىن".
كەيٸن بٸر ايتقان سٶزٸ:
"ەگەر ماعان تٷر تاڭدا دەسە, مەن ودەننٸڭ نەمەسە بەككەتتٸڭ تٷرٸن تاڭداپ الار ەدٸم. بٸراق, ودەندٸكٸ دۇرىستاۋ عوي دەيمٸن".
ال, ماعان ودەننٸڭ تٷرٸ اۋىلداعى بٸر كٸسٸنٸڭ كەلبەتٸن ەسكە سالادى. ول دا اقىن شاتىس بٸرەۋ بولاتىن.
اقبەرەن ەلگەزەك
