بٷگٸن قادىر مىرزا ەليدٸڭ تۋعان كٷنٸ. جارىقتىق ۇلى ادام ەدٸ, تٸرٸسٸندە بٸراز ەڭگٸمەسٸن ەستٸپ, 1-2 جىل ٷيٸنە جيٸ بارىپ, اعامەن ارالاسىپ تۇردىم. ەندەشە, جادىمدا قالعان ەستەلٸكتەردٸ تارقاتا وتىرايىن...
قايبٸر جىلى باياناۋىل اۋدانىنىڭ 180 جىلدىعى بولدى. مٷشايراسىنا قاتىستىق. قاداعاڭ قازىلار القاسىنىڭ تٶراعاسى بولدى. ەدەتتەگٸدەي: جٷلدەگەرلەردٸ ماراپاتتاۋ, "كەنسەرت-مەنسەرت". ەرتەسٸندە توي باستالدى. ات شاپتى, كٶكپار تارتىلدى, التىباقان قۇرىلدى دەگەندەي.
دٷبٸرلٸ تويعا ارنايى تٸگٸلگەن 8 بە ەكەن, 12 مە ەكەن قاناتتى, ٸشٸ كەرەمەت بەزەندٸرٸلگەن اقشاڭقان كيٸز ٷيدە وتىرمىز. بٸزدەي بالا-شاعا تٶمەن جاقتا, تٶردە - ەبٸش كەكٸلبايۇلى, قاتەلەسپەسەم - تٶلەن اعا ەبدٸك, اقسەلەۋ اعا بار ما ەكەن, ەسٸمدە جوق, تۇمانباي مەن قادىر اعالار تاعى باسقا الاشتىڭ زييالىلارى وتىردى. تٸلەكتەر ايتىلدى, سالماقتى-ساليقالى نەبٸر ەڭگٸمەلەر كەتتٸ دەيسٸڭ!
نەگە ەكەنٸ بەلگٸسٸز مەن سول سۇلۋ ٶلكەدە جٷرگەندە سۇلتانماحمۇتتىڭ بەينەسٸن كٶرٸپ قالاتىنداي ەلەگٸزٸپ جٷرگەنٸم ەسٸمدە قالىپ قويىپتى. بٸرٸن ايتىپ بٸرٸنە كەتٸپ جاتىرمىن.
ەلگٸ وتىرىس اياقتالۋعا شاق قالدى. قوراباي شەكٸروۆ دەگەن ەكٸم بولعان ول كەزدە باياناۋىلدا. وتىرىستى قورىتىندىلاي كەلە ەلگٸ كٸسٸ ٷلكەن ادامدارعا كونۆەرت تاراتا باستادى. كٶز الدىمدا ەلٸ. سول كونۆەرتتەر نەگە ەكەنٸ
بەلگٸسٸز ٶتە قالىڭ ەدٸ. كەشەگٸ مٷشايرادا دا العان جٷلدەمٸزدٸ دە سونداي قالىڭ كونۆەرتپەن العانبىز. سٶيتسەك, ٸشٸ جىپىرلاعان 200 تەڭگەلٸكتەر ەكەن. زامان سونداي بولدى پا, نەگە سولاي بوپ قالدى, بٸلمەيمٸن. قىسقاسى بەرٸ تويدىڭ سارقىتى دەپ مەز بوپ الىپ جاتتى. قادىر اعا بٸر كەزدە قوراباي شەكٸروۆكە ەزٸلدەپ ايقاي سالدى: "ەي, قوراباي, مەنٸڭ كەستٶمٸمنٸڭ بٸر جاعى تٷسٸپ كەتتٸ عوي, ماعان بىلاي بٸر جاعىم قيسايىپ جٷرۋ ٶتە ىڭعايسىز, قاراعىم" - دەپ قۋاقىلانىپ بٸر جاعىنا قيسايىپ كٶرسەتتٸ. سٶز تاپقانعا قولقا جوق, ەكٸم كٶمەكشٸسٸنە ىم قاقتى, ەلگٸ كونۆەرتتٸڭ تاعى بٸرەۋٸن سۋىردى. ەكٸم ەلگٸنٸ قادىر اعانىڭ ەكٸنشٸ قالتاسىنا سالدى. قاداعاڭ ريزا كەيٸپپەن: ە, مٸنە ەندٸ جٶن بولدى! - دەپ كەستٶمٸن تەپە-تەڭ قىپ الىپ, سىرتقا قاراي بەت الدى. جۇرت قىران-توپان. سٶيتٸپ, بارلىعى بٸر كونۆەرتپەن, قاداعاڭ ەكٸ ەسە ولجالى قايتىپ ەدٸ.
اعاعا بٸراز ۋاقىت حابارلاسپاي كەتكەم. بٸر كٷنٸ زۆونداپ تۇر: "اقبەرەن, اينالايىن, مەن ورالعا بارىپ كەپ ەم. ٷيگە كەلسەم, جەڭگەڭ اقبەرەن دەگەن بٸر اڭقىلداعان بالا پايدا بولىپتى, كٷندە زۆونداپ, سەنٸ سۇرايدى دەيدٸ" - دەپ كٷلدٸ. "ويباي, اعا قازٸر كەلەم!" دەپ بەرٸن تاستاپ, اعانىڭ كامەنكادا تۇراتىن ٷيٸنە بارىپ, الىپ كەتتٸم...
اعانىڭ اتى اڭىزعا اينالعان كٸتاپحاناسىن كٶردٸم. العاش كٸتاپحاناسىن كٶرسەتٸپ جٷرگەندە جاسپىز, انا كٸتاپقا بٸر, مىنا كٸتاپقا بٸر ۇمتىلساق, قاسىڭدا جەدەل جٷرٸپ, سەنەن بۇرىن سول كٸتاپقا بارىپ, ٶزٸ ەپەرٸپ, ٶزٸ كٶرسەتٸپ, كٸتاپتى ۇياسىنا ٶزٸ قويۋشى ەدٸ. ٶزٸ جازاتىنداي, كٸتاپ ۇرلاعىشتاردان ەبدەن زەتتەي بولعان عوي...
كٸتاپحانا دەمەكشٸ, قادىر اعا بٶلەك ٷي سالدىرىپ, ونى "قادىردىڭ ەدەبي ٷيٸ" دەپ اتاپ, بٷكٸل كٸتاپحاناسىن سوعان تاپسىرماقشى بولعان. وعان شاماسى جەتپەدٸ. وعان ەل باسقاراتىن ادامدار دا مەن بەرمەدٸ عوي دەيمٸن.
تٶلەگەندٸ بولشەۆيكتەر ەدەيٸ اراق ٸشكٸزدٸرٸپ ٶلتٸردٸ دەپ وتىراتىن. ٶيتكەنٸ تٶلەگەن ارتىنان ادام ەرتٸپ كەتە الاتىنداي اتاقتى بولدى, وراتور ەدٸ دەيتٸن. سارى اۋرۋمەن اۋىراتىنىن بٸلە تۇرا, ٸشكٸزدٸ يتتەر دەگەنٸ ەسٸمدە قاپتى. مۇقاعالي, تۇمانباي تۋرالى قىزىق-قىزىق ەڭگٸمەلەر ايتاتىن.
اعا كەرەمەت اقكٶڭٸل, ەزٸلقوي ادام ەدٸ. بٸراق ەر سٶزٸنەن دانالىق, ٶمٸردٸ كٶرگەن تەرەڭدٸك, بولمىس-بٸتٸمٸنەن ۇلى ادامدارعا عانا تەن اۋرا ەسٸلٸپ تۇرۋشى ەدٸ.
بۇل كٸسٸ - قازاقتىڭ قادىرى بوپ, قازاقتىڭ ۇلى كلاسسيك اقىنى بوپ, ەر قازاقتىڭ جٷرەگٸندە عاسىردان عاسىرعا ٶتە بەرەتٸن تۇلعا. جاقسى كٸسٸ ەدٸ, جارىقتىق! جانى جەنناتىق بولسىن دەپ دۇعا قىلايىقشى!..
اقبەرەن ەلگەزەكتٸڭ فەيسبۋكتاعى جازباسىنان
