فوتو: Politico.kz
اتىراۋ وبلىسى جانگەلدين اۋىلىندا بولعان قاندى وقيعاعا بايلانىستى نەگٸزگٸ كٷدٸكتٸلەردٸڭ بٸرٸ رەتٸندە اتالعان سۇلتان سەرسەمەليەۆتٸڭ اناسى كەلٸنٸ اقبايان مۇقانعاليەۆاعا قاتىستى تىڭ مەلٸمەتتەردٸ جارييا ەتتٸ, دەپ حابارلايدى Ult.kz Politico.kz باسىلىمىنا سٸلتەمە جاساپ.
مارقۇم ەرلٸ-زايىپتىلاردىڭ كەنجە قىزىنىڭ ەنەسٸ قۇقىق قورعاۋ ورگاندارى كەيبٸر جايتتاردى بۇرمالاپ, جاعدايدى تولىق تٷسٸنبەي وتىر دەگەن پٸكٸر بٸلدٸردٸ. ونىڭ ايتۋىنشا, كەلٸنٸنٸڭ شاشىن تىقىرلاپ الۋ تۇرمىستىق زورلىق-زومبىلىقپەن بايلانىستى ەمەس.
جۋرناليست رۋسلان ٶتەپبايدىڭ «كەلٸننٸڭ شاشىن نە سەبەپتٸ الدىڭىزدار?» دەگەن سۇراعىنا ول الدىمەن كەلٸنٸنٸڭ دەنساۋلىعىنا بايلانىستى مەسەلە تۋىنداعانىن ايتتى.
«كەلٸننٸڭ ٷستٸ-باسىنا جارا تٷسٸپ كەتتٸ. بيتتەپ كەتتٸ. امال جوق, تىقىرلاپ الىپ تاستادىق. ٶزٸم رۇقسات بەردٸم. “سۇلتان, شاشىن الىپ تاستا! تٷنٸمەن باسىن قاسىپ, جارا قىلدى. جايماسىنىڭ بەرٸ جارانىڭ قابىعىنان كٶرٸنبەيدٸ. بالالارعا جۇعىپ جٷرەر” دەدٸم», – دەيدٸ ول.
ونىڭ سٶزٸنشە, بۇل شەشٸم زورلىق-زومبىلىقتان ەمەس, گيگيەنالىق سەبەپتەردەن قابىلدانعان.
«سۇلتان قييا المادى. قانشا دەگەنمەن سٷيٸپ قوسىلعان كەلٸنشەگٸ عوي. بٸراق جاز مەزگٸلٸ, دۋش بار. اقبايان ٶزٸ قارسى بولعان جوق, قايتا راحاتتانىپ قالدى. باسىن جۋىپ, تازالاپ بەردٸم. قان قۇيىلعاننان رەاكتسييا بەرٸپ تۇرعان. پوليتسييا ونى باسقاشا تٷسٸندٸ. “نەگە الدىڭىز شاشىن?” دەپ, كٷيەۋٸنەن تاياق جەپ, شاشىن الىپ تاستاعان دەپ ويلايدى. ارالارى جاقسى بولدى, كيكٸلجٸڭ بولعان جوق», – دەدٸ كٷدٸكتٸنٸڭ اناسى.
