Foto: Politico.kz
Atyraý oblysy Jangeldin aýylynda bolǵan qandy oqiǵaǵa bailanysty negizgi kúdiktilerdiń biri retinde atalǵan Sultan Sársemálievtiń anasy kelini Aqbaian Muqanǵalievaǵa qatysty tyń málimetterdi jariia etti, dep habarlaidy Ult.kz Politico.kz basylymyna silteme jasap.
Marqum erli-zaiyptylardyń kenje qyzynyń enesi quqyq qorǵaý organdary keibir jaittardy burmalap, jaǵdaidy tolyq túsinbei otyr degen pikir bildirdi. Onyń aitýynsha, kelininiń shashyn tyqyrlap alý turmystyq zorlyq-zombylyqpen bailanysty emes.
Jýrnalist Rýslan Ótepbaidyń «Kelinniń shashyn ne sebepti aldyńyzdar?» degen suraǵyna ol aldymen kelininiń densaýlyǵyna bailanysty másele týyndaǵanyn aitty.
«Kelinniń ústi-basyna jara túsip ketti. Bittep ketti. Amal joq, tyqyrlap alyp tastadyq. Ózim ruqsat berdim. “Sultan, shashyn alyp tasta! Túnimen basyn qasyp, jara qyldy. Jaimasynyń bári jaranyń qabyǵynan kórinbeidi. Balalarǵa juǵyp júrer” dedim», – deidi ol.
Onyń sózinshe, bul sheshim zorlyq-zombylyqtan emes, gigienalyq sebepterden qabyldanǵan.
«Sultan qiia almady. Qansha degenmen súiip qosylǵan kelinshegi ǵoi. Biraq jaz mezgili, dýsh bar. Aqbaian ózi qarsy bolǵan joq, qaita rahattanyp qaldy. Basyn jýyp, tazalap berdim. Qan quiylǵannan reaktsiia berip turǵan. Politsiia ony basqasha túsindi. “Nege aldyńyz shashyn?” dep, kúieýinen taiaq jep, shashyn alyp tastaǵan dep oilaidy. Aralary jaqsy boldy, kikiljiń bolǵan joq», – dedi kúdiktiniń anasy.
