بٷگٸن قازاقستان رەسپۋبليكاسى مəدەنيەت جəنە سپورت مينيسترٸ اقتوتى رايىمقۇلوۆانىڭ بۇيرىعىمەن اقان ابدۋاليەۆ مəدەنيەت جəنە سپورت مينيسترلٸگٸ مəدەنيەت كوميتەتٸنٸڭ تٶراعاسى قىزمەتٸنە تاعايىندالدى, دەپ حابارلايدى "ۇلت اقپارات".
اقتوتى رايىمقۇلوۆا جاڭا كوميتەت باسشىسىن ۇجىمعا تانىستىرىپ, الداعى قىزمەتٸنە سəتتٸلٸك تٸلەدٸ.
اقان جىلقىشىبايۇلى 1975 جىلى الماتى وبلىسى, جامبىل اۋدانى, شيەن اۋىلىندا دٷنيەگە كەلگەن.
2005 جىلى قۇرمانعازى اتىنداعى قازاق ۇلتتىق كونسەرۆاتوريياسىن حالىق ەنٸ ماماندىعى, 2012 جىلى الماتى ەكونوميكا جەنە ستاتيستيكا اكادەميياسىن ەكونوميست ماماندىعى بويىنشا تəمامداعان.
ەڭبەك جولىن تالدىقورعان قالاسىندا سٷيٸنباي اتىنداعى الماتى وبلىسى فيلارمونيياسىنىڭ جەكە ورىنداۋشىسى رەتٸندە باستاعان.
2003-2004 جىلدارى «قازاقكونتسەرت» مەملەكەتتٸك كونتسەرت ۇيىمىندا əنشٸ-اسپاپشى, 2005-2007 جىلدارى ج.ەلەبەكوۆ اتىنداعى ەسترادا-تسيرك كوللەدجٸندە, 2007-2008 جىلدارى قۇرمانعازى اتىنداعى قازاق ۇلتتىق كونسەرۆاتوريياسىندا وقىتۋشى بولعان.
2008-2015 جىلدار ارالىعىندا ا.جۇبانوۆ اتىنداعى دارىندى بالالارعا ارنالعان رقمممي ديرەكتورىنىڭ ورىنباسارى, ديرەكتورى;
2009-2015 جىلدارى ت.جٷرگەنوۆ اتىنداعى ٶنەر اكادەميياسىندا «دەستٷرلٸ ورىنداۋشىلىق ٶنەر» كافەدراسىنىڭ مەڭگەرۋشٸسٸ;
2015-2016 جىلدارى جامبىل اتىنداعى قازاق مەملەكەتتٸك فيلارمونيياسىنىڭ ديرەكتورى;
2016-2018 جىلدارى الماتى وبلىسى مەدەنيەت, ارحيۆ جەنە قۇجاتتاما باسقارماسى باسشىسى;
2018-2019 جىلدارى الماتى وبلىسى ەكٸمٸنٸڭ ورىنباسارى.
2019 جىلدان وسى ۋاقىتقا دەيٸن مəدەنيەت جəنە سپورت مينيسترلٸگٸنە قاراستى ت.جٷرگەنوۆ اتىنداعى قازاق ۇلتتىق ٶنەر اكادەميياسىنىڭ رەكتورى بولدى.
