اكادەميك, ەكونوميست-عالىم كەنجەعالي ساعاديەۆ دٷنيە سالدى, دەپ حابارلايدى "ۇلت اقپارات".
بۇل جايلى مارقۇمنىڭ وتباسى مەلٸمەت تاراتتى.
«25 شٸلدە كٷنٸ 82 جاسىندا اكادەميك كەنجەعالي ەبەنۇلى ساعاديەۆ كٶز جۇمدى. ٶكٸنٸشكە قاراي, ٸندەت بٸزدٸڭ وتباسىمىزعا دا جەتتٸ. جەرلەۋ رەسٸمٸ تەك وتباسى مٷشەلەرٸنٸڭ قاتىسۋىمەن ٶتەدٸ. بارلىق قوشتاسۋ شارالارى بٸر جىلدان كەيٸن, 2021 جىلى 25 شٸلدەگە جوسپارلانعان. بۇل - ونىڭ سوڭعى ٶسيەتٸ» دەلٸنگەن حابارلامادا.
كەنجەعالي ەبەنۇلى ساعاديەۆ 1938 جىلى 18 اقپاندا قوستاناي وبلىسىنىڭ جانگەلدٸ اۋدانىندا دٷنيەگە كەلگەن. ەكونوميكا عىلىمدارىنىڭ دوكتورى (1977), پروفەسسور (1978), قر ۇعا اكادەميگٸ (1994), قازاقستاننىڭ ەڭبەك سٸڭٸرگەن عىلىم مەن تەحنيكا قايراتكەرٸ (1996).
150-دەن استام عىلىمي ەڭبەگٸ جارىق كٶرگەن.
