«اق جول» دەموكراتييالىق پارتيياسى پارلامەنتاريزم ينستيتۋتتارىن كٷشەيتۋدٸ جەنە كەزەڭ-كەزەڭٸمەن پرەزيدەنتتٸك جٷيەدەن پارلامەنتتٸك رەسپۋبليكاعا كٶشۋ باستاماسىن قولدايدى, دەپ حابارلايدى قازاقپارات.
«بيۋروكراتييا مەن قاراپايىم ازاماتتاردىڭ بيلٸكتەن تىس قالۋىنا قارسى ەڭ تيٸمدٸ قۇرال – مەملەكەتتٸك ورگانداردىڭ اشىقتىعى مەن قوعام الدىنداعى ەسەپ بەرۋٸ, ياعني دەموكراتييا. دەموكراتييا پارلامەنتاريزمنٸڭ نەگٸزگٸ ينستيتۋتتارى بولىپ سانالاتىن پارلامەنت جەنە جەرگٸلٸكتٸ مەسليحاتتار ارقىلى قوعامدىق مٷددەلەردٸ العا جىلجىتۋ پرينتسيپٸنە سٷيەنەدٸ. دەموكراتييا دەگەنٸمٸزدٸڭ ٶزٸ – پارلامەنتاريزم.
«اق جول» دەموكراتييالىق پارتيياسى پارلامەنتاريزم ينستيتۋتتارىن كٷشەيتۋدٸ جەنە كەزەڭ-كەزەڭٸمەن پرەزيدەنتتٸك جٷيەدەن پارلامەنتتٸك رەسپۋبليكاعا كٶشۋ باستاماسىن قولدايدى. قازٸرگٸ كەزەڭ بيلٸك مونوپوليياسىنان مەملەكەتتٸك مەسەلەلەردٸ شەشۋدە بالاما پٸكٸرلەردٸ ەسكەرەتٸن تەپە-تەڭدٸك جٷيەسٸنە جوسپارلى تٷردە كٶشۋ مٷمكٸندٸكتەرٸن تۋعىزدى», - دەدٸ «اق جول» دەموكراتييالىق پارتيياسىنىڭ تٶراعاسى ا. پەرۋاشەۆ پارتييا قۇرىلتايىندا.
ازات پەرۋاشەۆ قازاقستانعا ۇلتتىق سەنٸم كەڭەسٸ عانا ەمەس, ۇلتتىق سەنٸم ٷكٸمەتٸ دە قاجەت دەپ ەسەپتەيدٸ.
«قازٸرگٸ كونستيتۋتسيياعا سەيكەس, پرەزيدەنت بيلٸكتٸڭ بارلىق تارماقتارىنىڭ ٶزارا ٸس-قيمىلىنا كەپٸل بولادى. بۇل پرەزيدەنت فيگۋراسىنىڭ پارلامەنت پەن ٷكٸمەتتەن بٸردەي قاشىقتىقتا بولۋى قاجەتتٸگٸن بٸلدٸرەدٸ. «اق جول» دەموكراتييالىق پارتيياسى ٷكٸمەت قۇرامىن مەملەكەت باسشىسى ەمەس, پارلامەنتتٸك سايلاۋدا جەڭٸسكە جەتكەن پارتييا بەكٸتۋٸ تيٸس دەپ ەسەپتەيدٸ, پارتييا تٸزٸمدٸ پرەزيدەنتكە بەكٸتۋگە ۇسىنادى جەنە ٶز ٷكٸمەتٸنٸڭ بارلىق جەتٸستٸكتەرٸ مەن سەتسٸزدٸكتەرٸ ٷشٸن جاۋاپتى بولادى. دامىعان دەموكراتييالاردىڭ تەجٸريبەسٸ وسىنداي», - دەدٸ پارتييا تٶراعاسى.
ايتا كەتەيٸك, «اق جول» دەموكراتييالىق پارتيياسىنىڭ XVI سايلاۋالدى قۇرىلتايىندا پارتييانىڭ سايلاۋالدى باعدارلاما جوباسى ۇسىنىلدى. پارتييا تٶراعاسى ازات پەرۋاشەۆ باعدارلاماداعى ەڭ نەگٸزگٸ باسىمدىق – تەۋەلسٸزدٸك جەنە الاش ۇلتتىق يدەياسى ەكەنٸن اتاپ ٶتتٸ.
سونىمەن بٸرگە, «اق جول» دەموكراتييالىق پارتيياسى قازاق رەسپۋبليكاسى اتاۋىن قايتارۋدى ۇسىندى.
