پارلامەنت مەجٸلٸسٸنٸڭ جالپى وتىرىسىندا «اق جول» فراكتسيياسىنىڭ دەپۋتاتتارى قالا ماڭىنداعى ٸرٸ ەلدٸ مەكەندەردٸڭ دامۋ كونتسەپتسيياسىن قايتا قاراۋدى ۇسىندى, دەپ حابارلايدى "ۇلت اقپارات".
«ەلٸمٸزدە سوڭعى جيىرما جىلدا تۇرعىلىقتى مەكەنجايىن اۋىستىرىپ, كٶشكەندەردٸڭ سانى كٷرت ٶستٸ. ستاتيستيكا كوميتەتٸتٸنٸڭ ەسەبٸنە جٷگٸنسەك, ٶتكەن جىلدىڭ بٸرٸنشٸ جارتىسىندا 500 مىڭنان استام قازاقستان ازاماتى ەل ٸشٸندە قونىس اۋدارعان. وسىنىڭ نەتيجەسٸندە قازاقستان قالالارىندا حالىق كٶپ شوعىرلانعان اگلومەراتسييالار مەن جاڭا اۋىلدار پايدا بولدى. مىسالى, سوڭعى 10 جىلدا شىمكەنت قالاسىنىڭ ماڭىنا 500 مىڭنان اسا حالىق تابان تٸرەسە, شىعىستا ٶسكەمەن قالاسىنىڭ بۇرىنعى ساياجايلارى قازٸر 100 مىڭنان اساتىن تۇرعىنى بار قالا ماڭىنداعى اۋىلعا اينالدى. بۇل ۋربانيزاتسييا پروتسەسٸ ەلٸمٸزدٸڭ بارلىق وبلىسىنا تەن. ساراپشىلاردىڭ پٸكٸرٸنشە, ٸشكٸ ميگراتسييا ارى قاراي ٶسەتٸن بولادى», - دەدٸ دەپۋتات بەرٸك دٷيسەنبينوۆ ٷكٸمەت باسشىسى اسقار ماميننٸڭ اتىنا جولداعان ساۋالىندا.
وسى ورايدا ٸشكٸ ميگراتسييا كٶپتەگەن ەلەۋمەتتٸك مەسەلەنٸ تۋعىزىپ وتىر.
«استانامىزدىڭ اينالاسىنداعى تۇرعىندارىنىڭ سانى 25 مىڭنان 50 مىڭعا دەيٸن جەتەتٸن جاڭا اۋىلداردا ەلٸ كٷنگە دەيٸن جاستار بوس ۋاقىتىندا باسقوسۋ ٶتكٸزەتٸن, سپورتپەن شۇعىلداناتىن بٸردە-بٸر سپورتزال نەمەسە مەدەنيەت وشاعى سالىنباعان. جەڭٸس پەن جەڭٸلٸستٸڭ دەمٸن تاتپاعان, سپورتپەن شىنىقپاعان, تەربيەسٸ كەم بولعان جاسٶسپٸرٸم رۋحاني دا, فيزيكالىق تۇرعىدان دا ناشار, ٶزٸنە سەنٸمسٸز, وسال بولادى. ٶزٸ سيياقتىلاردان توپ قۇرىپ, قالتاسىنا پىشاق سالىپ, قىلمىسقا بارۋىنىڭ بٸر سەبەبٸ دە وسى. قاراڭعىدا توپتالىپ كٶشە كەزبەي, قۇرداستارىمەن بٸرگە كٶكپار تارتىپ, بوز كٸلەمدە كٷرەسٸپ, الاڭدا فۋتبول ويناپ, سپورتتىڭ اششى تەرٸن تاتقان بوزبالا قىلمىسكەر بولماس ەدٸ. ٶيتكەنٸ سپورت دەگەن – قارسىلاسىن قۇرمەتتەي بٸلۋدٸ ٷيرەتەتٸن تەربيە كٶزٸ... وسى ورايدا, بۇل پروبلەمامەن تەك قۇقىق قورعاۋ ورگاندارى عانا اينالىسىپ, ونىڭ شىن سەبەپتەرٸ كٶلەنكەدە قالا بەرە مە?», - دەدٸ دەپۋتات.
بۇل تۇرعىدا «اق جول» دەپۋتاتتارى ٸشكٸ ميگراتسييا مەسەلەسٸنە بايلانىستى جەرگٸلٸكتٸ ەكٸمدٸكتەر مەن ٷكٸمەتتٸ تيٸستٸ قادامدار جاساۋعا شاقىردى.
«بٸزدٸڭ ويىمىزشا, قالا ماڭىنداعى, اۋىلداردان كەلگەن جاستارعا قىمبات, قۇنى ميللياردتان اساتىن سالتاناتتى سپورت سارايلارى ەمەس, قولجەتٸمدٸ, تەگٸن ٸستەيتٸن سپورتزالدار, مەكتەپتەردٸڭ مٷمكٸندٸگٸن پايدالانۋعا جول اشۋىمىز كەرەك», - دەدٸ بەرٸك دٷيسەنبينوۆ.
وسى ايتىلعانداردى ەسكەرە وتىرىپ, نۇر-سۇلتان, الماتى, شىمكەنت اگلومەراتسييالارىنىڭ جەنە وبلىس ورتالىقتارىن قورشاعان ٸرٸ ەلدٸ مەكەندەردٸڭ دامۋ كونتسەپتسيياسىن قايتا قاراۋ ۇسىنىلدى.
«ۇلتتىق مٷددەنٸ ەسكەرٸپ جەنە جەرگٸلٸكتٸ تۇرعىندارمەن اقىلداسا وتىرىپ, قالا ماڭىنا ورنالاسقان حالىق سانى كٶبەيٸپ كەلە جاتقان اۋىلداردى قولجەتٸمدٸ, پايدالانۋعا ىڭعايلى, قاراپايىم مەدەني جەنە سپورت وبەكتٸلەرٸمەن قامتاماسىز ەتۋدٸڭ جاڭا باعدارلاماسىن قابىلداۋدى سۇرايمىز», - دەدٸ دەپۋتات.
