حالىقارالىق بوكس قاۋىمداستىعىن (اٸۆا) حالىقارالىق وليمپيادا كوميتەتٸنٸڭ مٷشەلٸگٸنەن شىعارىپ جٸبەردٸ, دەپ حابارلايدى olympic.kz حوك باسپاسٶز قىزمەتٸنە سٸلتەمە جاساپ.
بۇل شەشٸم حالىقارالىق وليمپيادا كوميتەتٸنٸڭ (حوك) مٷشەسٸ نەناد لالوۆيچ باسقارعان ارنايى تەرگەۋ كوميسسيياسىنىڭ ۇسىنىم بويىنشا قابىلداندى. تەكسەرۋ كوميسسيياسى قۇرامىنا حوك مٷشەسٸ ريچارد ل. كارريون جەنە سپورتشىلار كوميسسيياسىنىڭ جەتەكشٸسٸ ەمما تەرحو ەنگەن.
حوك اتقارۋشى كوميتەتٸ اٸۆا-داعى قارجى, باسقارۋ, ەتيكا جەنە تٶرەشٸلٸك سۇراقتارىن شەشۋ ماقساتىمەن 2018 جىلدىڭ 30 قاراشاسىندا ارنايى كوميسسييا قۇرعان بولاتىن. ۇيىمداعى شەشٸمٸن تاپپاعان مەسەلەلەر 2017 جىلى انىقتالىپ, بٷگٸنگە دەيٸن قاتال تٷردە باقىلاندى. بٸراق اتالعان سۇراقتاردى ويداعىداي شەشۋ مەسەلەسٸ بايقالعان جوق.
حوك اتقارۋشى كوميتەتٸ مەسەلەنٸ ەگجەي-تەگجەيلٸ تەكسەرە كەلە, بوكستى 2020 جىلعى توكيو وليمپياداسىنىڭ سپورتتىق باعدارلاماسىندا قالدىرۋدى جٶن دەپ شەشتٸ. توكيوداعى بوكس بەسەكەسٸ مەن بارلىق ٸرٸكتەۋ سىندارى حوك بەكٸتكەن نەگٸزگٸ قاعيدالار اياسىندا ٶتۋٸ تيٸس.
ەگەر جوعارىدا اتالعان شەشٸم 2019 جىلدىڭ ماۋسىمىندا ٶتەتٸن حوك سەسسيياسىندا ماقۇلدانسا, 2020 جىلعى توكيو وليمپياداسىندا بوكستان 286 سپورتشى باق سىنايدى. 8 ەرلەر جەنە 5 ەيەلدەر سالماعىندا جارىس ٶتكٸزٸلٸپ, جەڭٸمپازدار انىقتالادى.
سونداي-اق, اتقارۋشى كوميتەت حوك مٷشەسٸ جەنە حالىقارالىق گيمناستيكا فەدەراتسيياسىنىڭ پرەزيدەنتٸ موريناري ۆاتانابەنٸڭ باسشىلىعىمەن ماقساتتى توپ قۇردى. ونىڭ قۇزىرەتٸ تٶمەندەگٸدەي:
1. سپورتتىڭ بارلىق سالاسىنداعى گەندەرلٸك تەڭدٸكتٸ كٶتەرۋ ماقساتىندا بوكستان كەلەسٸ جارىستاردى ٶتكٸزۋ:
ا. 2020 جىلدىڭ قاڭتارى مەن مامىرى ارالىعىندا ٶتەتٸن بوكستان 2020 جىلعى توكيو وليمپياداسىنا ٸرٸكتەۋ جارىستارى;
ب. توكيو وليمپياداسىنداعى بوكس تۋرنيرٸ
2. 2019 جىلعى ماۋسىم ايىنىڭ سوڭىنا دەيٸن توكيو وليمپياداسىنا ٸرٸكتەۋ جٷيەسٸن ەزٸرلەۋ:
ا. ەرلەر مەن ەيەلدەر اراسىنداعى سالماق دەرەجەلەرٸن انىقتاۋ;
ب. گەندەرلٸك تەڭدٸكتٸ كٶتەرۋ ماقساتىندا بوكس بەسەكەسٸنە كۆوتا تاراتۋ;
ۆ. ٸرٸكتەۋ سىندارىنا كۆوتا تاراتۋ تالاپتارىن ورناتۋ.
حوك 2020 جىلدىڭ قاڭتارى مەن مامىرى ارالىعىندا ٶتەتٸن وليمپياداعا ٸرٸكتەۋ تۋرنيرٸنە ارنالعان جاڭا كٷنتٸزبە ەزٸرلەيدٸ.
ال اٸۆا-نى حوك مٷشەلٸگٸنە قايتارۋ مەسەلەسٸ 2020 جىلعى توكيو وليمپياداسىنان كەيٸن قايتا قارالادى.
«بٷگٸنگٸ مەسەلە سپورتشىلار مەن جالپى بوكستىڭ كەلەشەگٸ ٷشٸن قابىلدادى. بٸز سپورتشىلاردىڭ ارمانىنا بالتاي شاپپاي, ولاردىڭ 2020 جىلعى وليمپيادا ويىندارىندا ٶنەر كٶرسەتكەنٸن قالايمىز. الايدا, اٸۆا تەرگەۋ كوميتەتٸنٸڭ شەشٸمٸنەن كەيٸنگٸ سالدار تۋرالى ويلانۋ قاجەت», - دەدٸ حوك پرەزيدەنتٸ توماس باح.
