فوتو: اقوردا
قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا ەلەۋمەتتٸك جەلٸدەگٸ پاراقشاسىندا جىل سايىن ٶتەتٸن كينوجوبالار كونكۋرسىنىڭ باستالعانىن حابارلادى. ونىڭ ايتۋىنشا, بايقاۋ قاسىم-جومارت توقاەۆ تاپسىرماسىنا سەيكەس, ساپالى ەرٸ رۋحاني-تانىمدىق مەنٸ بار ۇلتتىق كينو ٶندٸرٸسٸن قولداۋ ماقساتىندا ۇيىمداستىرىلىپ وتىر, دەپ حابارلايدى Ult.kz.
بيىلعى ٸرٸكتەۋدە تۋعان جەر, وتباسى, ۇلتتىق قۇندىلىقتار, سالاۋاتتى ٶمٸر سالتى, ەڭبەك, زاڭ مەن تەرتٸپ, تابيعات, عارىش جەنە تۋريزم سەكٸلدٸ قوعام ٷشٸن ٶزەكتٸ باعىتتارعا باسىمدىق بەرٸلگەن. مينيستر كونكۋرس كەزەڭدەرٸنٸڭ اشىق ٶتەتٸنٸن اتاپ ٶتٸپ, ٷدەرٸستە جاساندى ينتەللەكت تەحنولوگيياسى قولدانىلاتىنىن مەلٸمدەدٸ.
سونداي-اق, ٶتكەن جىلدارداعى نەتيجەگە سەيكەس, مەملەكەتتٸك قولداۋعا يە بولعان جوبالاردىڭ باسىم بٶلٸگٸ جاس رەجيسسەرلەرگە تيەسٸلٸ ەكەنٸ ايتىلدى.
"قۇرمەتتٸ دوستار!
مەملەكەت باسشىسى قاسىم-جومارت كەمەلۇلى توقاەۆتىڭ ساپالى جەنە رۋحاني تەربيەلٸك مەنٸ بار كينو جاساۋ تۋرالى تاپسىرماسىنا سەيكەس جٷزەگە اسىپ جاتقان جىل سايىنعى كينوجوبالار كونكۋرسى بٷگٸن باستالدى.
ٸرٸكتەۋدٸڭ باسىم تاقىرىپتارى ۇلتتىق كينونى قولداۋ مەملەكەتتٸك ورتالىعىنىڭ سايتىندا جارييالاندى. بيىل تۋعان جەر, وتباسى, سالاۋاتتى ٶمٸر سالتى, ۇلتتىق قۇندىلىقتار, ەڭبەك, زاڭ, تەرتٸپ, تابيعات, عارىش, تۋريزم سيياقتى جان-جاقتى تاقىرىپتار لەگٸ ۇسىنىلىپ وتىر.
ماڭىزدى جاڭالىقتاردىڭ بٸرٸ – ٸرٸكتەۋ جاساندى ينتەللەكتتٸڭ كٶمەگٸمەن ٶتكٸزٸلەدٸ. بۇل اشىقتىق پەن شەشٸم قابىلداۋداعى اشىقتىق پەن ەدٸلدٸكتٸ قامتاماسىز ەتۋگە كٶمەكتەسەدٸ.
ەرەجەگە سەيكەس بٸرٸنشٸ كەزەڭدە تەك ستسەنارييلەر مەن ستسەناريي جوسپارلارى قابىلدانادى. ەكٸنشٸ كەزەڭدە قۇجاتتار توپتاماسىنىڭ تولىق سەيكەستٸگٸ تەكسەرٸلەدٸ. ال اشىق قورعاۋ مەن پيتچينگ كەزەڭٸ ونلاين كٶرسەتٸلٸم ارقىلى ٶتەدٸ.
كونكۋرس نەتيجەسٸندە مەملەكەتتٸك قولداۋ تاپقان جوبالاردىڭ 70 پايىزى جاس رەجيسسەرلەردٸڭ تۋىندىلارى ەكەنٸ ەرەكشە قۋانتادى.
ساپالى, ساۋاتتى فيلمدەر تٷسٸرگٸسٸ كەلەتٸن اۆتورلارعا سەتتٸلٸك تٸلەيمٸن!" - دەدٸ مينيستر.
