Foto: Aqorda
Qazaqstan Respýblikasynyń Mádeniet jáne aqparat ministri Aida Balaeva áleýmettik jelidegi paraqshasynda jyl saiyn ótetin kinojobalar konkýrsynyń bastalǵanyn habarlady. Onyń aitýynsha, baiqaý Qasym-Jomart Toqaev tapsyrmasyna sáikes, sapaly ári rýhani-tanymdyq máni bar ulttyq kino óndirisin qoldaý maqsatynda uiymdastyrylyp otyr, dep habarlaidy Ult.kz.
Biylǵy irikteýde týǵan jer, otbasy, ulttyq qundylyqtar, salaýatty ómir salty, eńbek, zań men tártip, tabiǵat, ǵarysh jáne týrizm sekildi qoǵam úshin ózekti baǵyttarǵa basymdyq berilgen. Ministr konkýrs kezeńderiniń ashyq ótetinin atap ótip, úderiste jasandy intellekt tehnologiiasy qoldanylatynyn málimdedi.
Sondai-aq, ótken jyldardaǵy nátijege sáikes, memlekettik qoldaýǵa ie bolǵan jobalardyń basym bóligi jas rejisserlerge tiesili ekeni aityldy.
"Qurmetti dostar!
Memleket basshysy Qasym-Jomart Kemeluly Toqaevtyń sapaly jáne rýhani tárbielik máni bar kino jasaý týraly tapsyrmasyna sáikes júzege asyp jatqan jyl saiynǵy kinojobalar konkýrsy búgin bastaldy.
Irikteýdiń basym taqyryptary Ulttyq kinony qoldaý memlekettik ortalyǵynyń saitynda jariialandy. Biyl týǵan jer, otbasy, salaýatty ómir salty, ulttyq qundylyqtar, eńbek, zań, tártip, tabiǵat, ǵarysh, týrizm siiaqty jan-jaqty taqyryptar legi usynylyp otyr.
Mańyzdy jańalyqtardyń biri – irikteý jasandy intellekttiń kómegimen ótkiziledi. Bul ashyqtyq pen sheshim qabyldaýdaǵy ashyqtyq pen ádildikti qamtamasyz etýge kómektesedi.
Erejege sáikes birinshi kezeńde tek stsenariiler men stsenarii josparlary qabyldanady. Ekinshi kezeńde qujattar toptamasynyń tolyq sáikestigi tekseriledi. Al ashyq qorǵaý men pitching kezeńi onlain kórsetilim arqyly ótedi.
Konkýrs nátijesinde memlekettik qoldaý tapqan jobalardyń 70 paiyzy jas rejisserlerdiń týyndylary ekeni erekshe qýantady.
Sapaly, saýatty filmder túsirgisi keletin avtorlarǵa sáttilik tileimin!" - dedi ministr.
