قر اقپارات جەنە قوعامدىق دامۋ مينيسترٸ ايدا بالاەۆا كوروناۆيرۋس ۆاكتسيناسىن سالدىردى. بۇل جايىندا ول «بالاەۆاعا 3 سۇراق» باعدارلاماسىندا ايتتى, دەپ حابارلايدى "ۇلت اقپارات".
«قازٸر كٶڭٸل-كٷيٸم كٶتەرٸڭكٸ, جاقسى. دەنساۋلىعىما ەشقانداي ەسەرٸن تيگٸزگەن جوق. ينەنٸ سالعان كەزدە اۋىراتىنى بار, سەل اۋىرسىنۋ بولدى. مەديتسينا قىزمەتكەرلەرٸنەن جالپى نۇسقاۋلىق سۇراپ الدىم. 2-3 كٷن دەنساۋلىعىمدى كٷتٸپ, سۋىققا شىقپاي, ماسكا كيٸپ جٷرۋ سىندى ساقتىق شارالارىن ورىندايتىن بولامىن. ەندٸ 21 كٷننەن كەيٸن ەكٸنشٸ كومپونەنتٸن الامىن», - دەدٸ مينيستر.
سونىمەن قاتار ول «سپۋتنيك V» ۆاكتسيناسىن العانىن اتاپ ٶتتٸ.
«قازاقستاندىق ۆاكتسينا سىناقتىڭ ٷشٸنشٸ ساتىسىنان ٶتٸپ جاتقانى بەلگٸلٸ. ونى كٷتپەۋ ٷشٸن بٷگٸن رەسەيلٸك سپۋتنيك V ۆاكتسيناسىن سالدىردىم», - دەدٸ ايدا بالاەۆا.
اقپارات مينيسترٸنٸڭ اتاپ ٶتۋٸنشە, ەر ادام ٶزٸنٸڭ ازاماتتىق جاۋاپكەرشٸلٸگٸن سەزٸنە بٸلۋٸ كەرەك. ٶيتكەنٸ, بۇل ونىڭ عانا دەنساۋلىعىنىڭ ەمەس بٷكٸل قوعامنىڭ قاۋٸپسٸزدٸگٸ.
«تاريحي تەجٸريبە كٶرسەتٸپ وتىرعانداي, ۆاكتسيناتسييا - ۆيرۋستى جەڭۋدٸڭ جالعىز جولى. ۆاكتسينا سالدىرعاننان كەيٸن دە قاۋٸپسٸزدٸك ٸس-شارالارىن ەشكٸم دە ٶزگەرتٸپ جٸبەرمەگەنٸ تٷسٸنٸكتٸ. قالىپتى ٶمٸرگە ورالۋىمىز, بالالارىمىزدى مەكتەپكە جٸبەرە الۋىمىز, جاقىندارىمىزبەن كەزدەسٸپ, وتباسىلىق, سونىمەن قاتار مەملەكەتتٸك دەڭگەيدەگٸ ٸس-شارالاردى ٶتكٸزۋٸمٸز ٷشٸن ۇجىمدىق يممۋنيەتتٸڭ قالىپتاسۋى ٶتە ماڭىزدى», - دەدٸ ول.
