Kazmedia ورتالىعىندا ٶتكەن تاريحي سەريالداردىڭ تانىستىرىلىمىندا قر اقپارات جەنە قوعامدىق دامۋ مينيسترٸ ايدا بالاەۆا تاريحي مازمۇنداعى كونتەنتتٸڭ ماڭىزى تۋرالى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«كينو تٷسٸرۋ, سونىڭ ٸشٸندە تاريحي مەدياٶنٸم شىعارۋ – بٸر سەتتٸك قىزىق دٷنيە جاساۋ ەمەس. بۇل – جوعارى ساپانى, تەرەڭ مازمۇندى قاجەت ەتەتٸن كٷردەلٸ سالا. سونىڭ ٸشٸندە ەسٸرەسە تاريحي سەريالدار – ۇرپاق ساناسىن قالىپتاستىراتىن يدەولوگييالىق قۇرال. سوندىقتان دا مەملەكەت باسشىسى قاسىم-جومارت توقاەۆ «تەۋەلسٸزدٸك بەرٸنەن قىمبات» اتتى ماقالاسىندا وسى مەسەلەگە ەرەكشە نازار اۋدارعان بولاتىن. مۇنىڭ ٶزٸندٸك مەنٸ بار. تەۋەلسٸزدٸكتٸڭ قۇنىن بٸلٸپ, ونىڭ قادٸر-قاسيەتٸن باعالاۋ ٷشٸن بٸز ٶتكەنٸمٸزدٸ ۇمىتپاۋىمىز كەرەك. تاريحتا قانداي جولداردان ٶتتٸك, قانداي تۇلعالار بولدى? بەرٸن ۇرپاققا ۇعىندىرۋ كەرەك. سوندىقتان دا پرەزيدەنت ۇلت تۇلعالارىن ناسيحاتتايتىن تاريحي سەريالداردى كٶبەيتۋدٸ تاپسىردى. وسى سەريالدار ارقىلى بٸز ٶسكەلەڭ ۇرپاققا تاريحي تۇلعالار مەن ولاردىڭ ٶنەگەلٸ ٶمٸرٸن تانىستىرامىز», - دەگەن ايدا بالاەۆا Qazaqstan تەلەارناسى تٷسٸرگەن 6 تاريحي سەريالدىڭ كٶرەرمەن نازارىنا جۋىقتا كٶگٸلدٸر ەكراننان ۇسىنىلاتىنىن, نەگٸزگٸ باعانى سول كٶرەرمەن بەرەتٸنٸن اتادى.
«ەرينە, مٸنسٸز دٷنيە بولمايدى. سوندىقتان تەك قانا ماقتاۋ كٷتٸپ وتىرماي, ورىندى سىن ەستۋگە دايىنبىز. ول ٶتە ماڭىزدى. سٸزدەردٸڭ ەدٸل باعالارىڭىز, ەسكەرتۋلەرٸڭٸز, شىنايى پٸكٸرلەرٸڭٸز ارقىلى كەمشٸلٸكتەر انىقتالادى, تەجٸريە جينالىپ, كەلەسٸ ٶنٸمدەردٸڭ ساپاسىن ارتتىرۋعا سەپتٸگٸن تيگٸزەدٸ», - دەدٸ مينيستر.
