فوتو: قر مام
استانادا قر پرەمەر-مينيسترٸنٸڭ ورىنباسارى – مەدەنيەت جەنە اقپارات مينيسترٸ ايدا بالاەۆانىڭ تٶراعالىعىمەن مينيسترلٸكتٸڭ كەڭەيتٸلگەن القا وتىرىسى ٶتتٸ, دەپ حابارلايدى Ult.kz.
جيىنعا ۆيتسە-مينيسترلەر, كوميتەت تٶراعالارى, ۆەدومستۆولىق باعىنىستى ۇيىمداردىڭ جەتەكشٸلەرٸ جەنە سالالىق قۇرىلىمداردىڭ ٶكٸلدەرٸ قاتىستى. وتىرىس بارىسىندا مينيسترلٸكتٸڭ 2025 جىلعى قىزمەتٸنٸڭ قورىتىندىلارى سارالانىپ, الداعى كەزەڭگە ارنالعان ستراتەگييالىق باسىمدىقتار ايقىندالدى.
القا وتىرىسىن اشقان ايدا بالاەۆا نەگٸزگٸ زاڭعا ەنگٸزٸلگەن اۋقىمدى ٶزگەرٸستەرگە ەرەكشە توقتالدى. ول ۇلتتىق مەدەنيەتتٸ قولداۋ مەن تاريحي-مەدەني مۇرانى ساقتاۋ مەسەلەلەرٸ العاش رەت كونستيتۋتسييالىق دەڭگەيدە مەملەكەتتٸڭ ٸرگەلٸ دامۋ قاعيداتتارىنىڭ قاتارىنا ەنگٸزٸلگەنٸن اتاپ ٶتتٸ.
كەزدەسۋ بارىسىندا مينيسترلٸك قىزمەتٸنٸڭ بارلىق باعىتتارى بويىنشا جاڭا تەسٸلدەر مەن زاماناۋي دامۋ ٷردٸستەرٸ جان-جاقتى قارالدى. سالالاردى ۋاقىت تالابىنا جەنە ٶزەكتٸ سىن-قاتەرلەرگە ساي جٷيەلٸ جاڭعىرتۋ قاجەتتٸگٸنە ەرەكشە نازار اۋدارىلدى.
سونىمەن قاتار دامىعان مەملەكەتتەردٸڭ وزىق تەجٸريبەسٸنە نەگٸزدەلگەن جاڭا كونستيتۋتسييا جوباسى سٶز بوستاندىعىنا كەپٸلدٸك بەرەتٸنٸن, ازاماتتاردىڭ تسيفرلىق كەڭٸستٸكتەگٸ قۇقىقتارىن قورعاۋ جٶنٸندەگٸ نورما العاش رەت ەنگٸزٸلگەنٸ اتاپ ٶتٸلدٸ.
وسىعان بايلانىستى ايدا بالاەۆا مينيسترلٸك پەن ۆەدومستۆولىق باعىنىستى ۇيىمداردىڭ قىزمەتٸنە تسيفرلىق شەشٸمدەردٸ كەڭٸنەن ەنگٸزۋ جەنە جاساندى ينتەللەكت تەحنولوگييالارىن تيٸمدٸ پايدالانۋ مەسەلەسٸنە ايرىقشا توقتالدى.
پرەمەر-مينيستردٸڭ ورىنباسارى سالانىڭ بٸرىڭعاي ەرٸ كەشەندٸ تسيفرلىق دامۋ ستراتەگيياسىن ەزٸرلەۋدٸ تاپسىردى.
القا وتىرىسىنا قاتىسۋشىلار مەدەنيەت سالاسىن دامىتۋ, كرەاتيۆتٸ يندۋسترييالاردى جٷيەلٸ قولداۋ, اقپاراتتىق ساياساتتى جەتٸلدٸرۋ, ازاماتتىق قوعام ينستيتۋتتارىنىڭ ەلەۋەتٸن ارتتىرۋ, سونداي-اق مەملەكەتتٸك جاستار جەنە وتباسى ساياساتىن تيٸمدٸ ٸسكە اسىرۋ مەسەلەلەرٸن تالقىلادى.
جيىندى قورىتىندىلاعان ايدا بالاەۆا ەرٸپتەستەرٸنە اتقارىلعان نەتيجەلٸ جۇمىس ٷشٸن ريزاشىلىعىن بٸلدٸرٸپ, ەر باعىتتا ناقتى باستامالار كٶتەرٸپ, جاۋاپكەرشٸلٸكپەن ەرەكەت ەتۋگە شاقىردى. ٷكٸمەت باسشىسىنىڭ ورىنباسارى ۆەدومستۆوارالىق ٶزارا ٸس-قيمىلدى كٷشەيتۋدٸ جەنە قويىلعان مٸندەتتەردٸڭ ساپالى ەرٸ مەرزٸمٸندە ورىندالۋىن قامتاماسىز ەتۋدٸ تاپسىردى.
