Foto: QR MAM
Astanada QR Premer-Ministriniń orynbasary – Mádeniet jáne aqparat ministri Aida Balaevanyń tóraǵalyǵymen ministrliktiń keńeitilgen alqa otyrysy ótti, dep habarlaidy Ult.kz.
Jiynǵa vitse-ministrler, komitet tóraǵalary, vedomstvolyq baǵynysty uiymdardyń jetekshileri jáne salalyq qurylymdardyń ókilderi qatysty. Otyrys barysynda ministrliktiń 2025 jylǵy qyzmetiniń qorytyndylary saralanyp, aldaǵy kezeńge arnalǵan strategiialyq basymdyqtar aiqyndaldy.
Alqa otyrysyn ashqan Aida Balaeva Negizgi zańǵa engizilgen aýqymdy ózgeristerge erekshe toqtaldy. Ol ulttyq mádenietti qoldaý men tarihi-mádeni murany saqtaý máseleleri alǵash ret konstitýtsiialyq deńgeide memlekettiń irgeli damý qaǵidattarynyń qataryna engizilgenin atap ótti.
Kezdesý barysynda ministrlik qyzmetiniń barlyq baǵyttary boiynsha jańa tásilder men zamanaýi damý úrdisteri jan-jaqty qaraldy. Salalardy ýaqyt talabyna jáne ózekti syn-qaterlerge sai júieli jańǵyrtý qajettigine erekshe nazar aýdaryldy.
Sonymen qatar damyǵan memleketterdiń ozyq tájiribesine negizdelgen jańa Konstitýtsiia jobasy sóz bostandyǵyna kepildik beretinin, azamattardyń tsifrlyq keńistiktegi quqyqtaryn qorǵaý jónindegi norma alǵash ret engizilgeni atap ótildi.
Osyǵan bailanysty Aida Balaeva ministrlik pen vedomstvolyq baǵynysty uiymdardyń qyzmetine tsifrlyq sheshimderdi keńinen engizý jáne jasandy intellekt tehnologiialaryn tiimdi paidalaný máselesine airyqsha toqtaldy.
Premer-Ministrdiń orynbasary salanyń biryńǵai ári keshendi tsifrlyq damý strategiiasyn ázirleýdi tapsyrdy.
Alqa otyrysyna qatysýshylar mádeniet salasyn damytý, kreativti indýstriialardy júieli qoldaý, aqparattyq saiasatty jetildirý, azamattyq qoǵam institýttarynyń áleýetin arttyrý, sondai-aq memlekettik jastar jáne otbasy saiasatyn tiimdi iske asyrý máselelerin talqylady.
Jiyndy qorytyndylaǵan Aida Balaeva áriptesterine atqarylǵan nátijeli jumys úshin rizashylyǵyn bildirip, ár baǵytta naqty bastamalar kóterip, jaýapkershilikpen áreket etýge shaqyrdy. Úkimet basshysynyń orynbasary vedomstvoaralyq ózara is-qimyldy kúsheitýdi jáne qoiylǵan mindetterdiń sapaly ári merziminde oryndalýyn qamtamasyz etýdi tapsyrdy.
