بٷگٸن قر اقپارات جەنە قوعامدىق دامۋ مينيسترٸ ا.بالاەۆا حالىقارالىق كٶشٸ-قون ۇيىمىنىڭ (حكۇ) ورتالىق ازييا بويىنشا سۋبٶڭٸرلٸك ٷيلەستٸرۋشٸسٸ, قازاقستان, قىرعىزستان, ٶزبەكستان جەنە تٷرٸكمەنستانداعى ميسسييانىڭ باسشىسى زەينال گادجيەۆپەن كەزدەستٸ, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
مينيستر ۆەدومستۆونىڭ قىزمەتٸمەن, ونىڭ ٸشٸندە دياسپورالدىق ساياسات سالاسىندا جٷرگٸزٸلٸپ جاتقان جۇمىستارمەن تانىستىردى.
ز.گادجيەۆ قازاقستاننىڭ كٶشٸ-قوندى باسقارۋدىڭ زاماناۋي جٷيەسٸن قۇرۋ جٶنٸندەگٸ كەشەندٸ مٸندەتتەردٸ شەشۋدەگٸ ماڭىزدى رٶلٸن اتاپ ٶتتٸ.
تاراپتار ٶزارا ٸس-قيمىلدىڭ باسىم باعىتتارىن, ونىڭ ٸشٸندە ەزٸرلەنٸپ جاتقان «قر ٷكٸمەتٸنٸڭ شەتەلدٸك دياسپورالارمەن ٶزارا ٸس-قيمىل بويىنشا كٷش-جٸگەرٸن قولداۋ» جوباسىن تالقىلادى.
كەزدەسۋ قورىتىندىسى بويىنشا تاراپتار بٸر-بٸرٸن اعىمداعى جەنە جوسپارلانعان ٸس-شارالار تۋرالى حاباردار ەتٸپ, ىنتىماقتاستىقتى دامىتۋعا دايىن ەكەندٸكتەرٸن بٸلدٸردٸ.
