بٷگٸن الماتى وبلىسىندا پرەمەر-مينيستردٸڭ ورىنباسارى – مەدەنيەت جەنە اقپارات مينيسترٸ, كونستيتۋتسييالىق رەفورمالار جٶنٸندەگٸ كوميسسييا تٶراعاسىنىڭ ورىنباسارى ايدا بالاەۆانىڭ جەتەكشٸلٸگٸمەن «ەدٸلەتتٸ جەنە پروگرەسسيۆتٸ قازاقستاننىڭ حالىقتىق كونستيتۋتسيياسى ٷشٸن!» جالپىۇلتتىق كواليتسيياسى مٷشەلەرٸ «شين-لاين» جشس ۇجىمىمەن كەزدەستٸ. ٸس-شاراعا مەجٸلٸس دەپۋتاتتارى ماقسات تولىقباي, جاناربەك ەشٸمجانوۆ جەنە سەرگەي پونومارەۆ, «قازاقستاندىق قوعامدىق دامۋ ينستيتۋتى» كەاق باسقارما تٶراعاسى جۇلدىزاي ىسقاقوۆا, «قازاقستان حالقىنا» قوعامدىق قورىنىڭ تٶراعاسى لەززات شىڭعىسباەۆا جەنە باسقالارى قاتىستى.
كەزدەسۋدە ايدا بالاەۆا قولدانىستاعى كونستيتۋتسييانىڭ سوڭعى 30 جىلدا قازاقستاننىڭ قالىپتاسۋى مەن سەرپٸندٸ دامۋىنا بەرٸك نەگٸز بولعانىن اتاپ ٶتتٸ. ونىڭ ايتۋىنشا, قازٸرگٸ كەزەڭدە مەملەكەتتٸڭ قۇندىلىقتارى مەن باسىمدىقتارىن ناقتى ايقىنداۋدىڭ ماڭىزى ەرەكشە. ۆيتسە-پرەمەر جاڭا كونستيتۋتسييا پرەامبۋلاسىندا نەگٸزگٸ قۇندىلىقتار بەكٸتٸلگەنٸن, سونىڭ ٸشٸندە بٸلٸم, عىلىم, مەدەنيەت جەنە يننوۆاتسييالار العاش رەت كونستيتۋتسييالىق دەڭگەيدە ايقىندالعانىن جەتكٸزدٸ.
«مەملەكەت بٸلٸم ساپاسىن ارتتىرۋعا, عىلىمدى دامىتۋعا جەنە ونى ٶندٸرٸسپەن ۇشتاستىرۋعا ايرىقشا كٶڭٸل بٶلٸپ كەلەدٸ. عىلىمي پروگرەسس نەتيجەسٸندە بٷگٸن سٸزدەر بٶلەك جاعدايدا ەڭبەك ەتٸپ جاتىرسىزدار. ٶندٸرٸس جاڭارتىلىپ, ٶنٸم ساپاسى جەتٸلدٸرٸلۋدە – مۇنىڭ بەرٸ عىلىم دامۋىنىڭ جەمٸسٸ. ال ساپالى سەرپٸلٸس جاساۋ ٷشٸن بۇل قاعيداتتاردى كونستيتۋتسييا دەڭگەيٸندە بەكٸتۋ قاجەت. سەبەبٸ اتا زاڭ – كەيٸنگٸ زاڭنامالىق ەرٸ بيۋدجەتتٸك شەشٸمدەردٸڭ نەگٸزٸ», – دەدٸ ايدا بالاەۆا.
كەزدەسۋ بارىسىندا كونستيتۋتسييادا مەدەنيەت پەن تاريحي-مەدەني مۇرانى قورعاۋعا قاتىستى نورمالاردىڭ العاش رەت ناقتى بەكٸتٸلگەنٸ دە ايتىلدى.
جاڭا كونستيتۋتسييا جوباسىن ەزٸرلەگەن كوميسسييا جۇمىسى تۋرالى مەجٸلٸس دەپۋتاتى سەرگەي پونومارەۆ باياندادى. ونىڭ سٶزٸنشە, قۇجاتتى دايىنداۋعا جەتەكشٸ كونستيتۋتسيوناليستەر, زاڭگەرلەر, كونستيتۋتسييالىق كەڭەس مٷشەلەرٸ مەن پارلامەنتتٸك فراكتسييا جەتەكشٸلەرٸ قاتىسقان. دەپۋتات پرەامبۋلانىڭ ماڭىزىنا ەرەكشە توقتالىپ, ونى كونستيتۋتسييانىڭ نەگٸزگٸ قاعيداتتارى مەن قۇندىلىقتارىنىڭ كٶرٸنٸسٸ رەتٸندە باعالادى.
«پرەامبۋلا – جاي كٸرٸسپە ەمەس, بۇل كونستيتۋتسييانىڭ مەنٸن تٷيٸندەيتٸن ٶزەك. جاڭا كونستيتۋتسييا شىنىمەن دە ادامدارعا جاقىنداي تٷسپەك. بار بولعانى ون جەتٸ جولدان تۇراتىن وسى مەتٸندە بٸزدٸڭ ٶمٸرٸمٸز, سىرتقى ەلەمگە كٶزقاراسىمىز, قوعام ٸشٸندەگٸ ٶزارا قارىم-قاتىناس پرينتسيپتەرٸ جەنە مەملەكەتتٸڭ ۇزاق مەرزٸمدٸ دامۋ باعىتى كٶرٸنٸس تاپقان», – دەپ تٷيٸندەدٸ سەرگەي پونومارەۆ.
ۇجىم الدىندا جۇلدىزاي ىسقاقوۆا دا سٶز سٶيلەپ, جاڭا كونستيتۋتسييا جوباسى جٷيەلٸ ەرٸ تەرەڭ تالداۋ نەگٸزٸندە ەزٸرلەنگەنٸن اتاپ ٶتتٸ. ونىڭ ايتۋىنشا, قۇجات زاماناۋي قاتەرلەردٸ ەسكەرە وتىرىپ, اتا زاڭ ارحيتەكتۋراسىن جاڭعىرتۋعا جەنە قۇندىلىقتىقتاردى نىعايتۋعا باعىتتالعان. اتاپ ايتقاندا, عىلىم, يننوۆاتسييالار, بٸلٸم جەنە مەدەنيەت سالاسى باسىمدىق رەتٸندە بەلگٸلەنگەن.
كەزدەسۋ سوڭىندا «شين-لاين» جشس قىزمەتكەرلەرٸ سۇراقتار قويىپ, تٷسٸندٸرۋ جۇمىستارىنا قاتىستى ۇسىنىستارىن بٸلدٸردٸ. جالپىۇلتتىق كواليتسييا ٶكٸلدەرٸ ازاماتتاردىڭ رەفەرەندۋمعا قاتىسۋىنىڭ ماڭىزىن اتاپ ٶتتٸ.
