بٷگٸن اقپارات جەنە قوعامدىق دامۋ مينيسترٸ ايدا بالاەۆا ەقىۇ-نىڭ باق بوستاندىعى مەسەلەلەرٸ جٶنٸندەگٸ ٶكٸلٸ تەرەزا ريبەيرونىڭ قازاقستان مەن ورتالىق ازييا ەلدەرٸنە ساپارى اياسىندا كەزدەسۋ ٶتكٸزدٸ, دەپ حابارلايدى ۆەدومستۆونىڭ باسپاسٶز قىزمەتٸ.
ا.بالاەۆا ازاماتتاردىڭ اقپاراتتى ەركٸن الۋعا جەنە تاراتۋعا كونستيتۋتسييالىق قۇقىقتارىن ساقتاۋدى قامتاماسىز ەتۋ جولىنداعى قازاقستاننىڭ دەيەكتٸ قادامدارى, سونداي-اق پاندەمييا جاعدايىندا باق-تى قولداۋ جەنە كٸرٸستەردٸ قىسقارتۋ جٶنٸندەگٸ شارالار تۋرالى ايتىپ بەردٸ.
مينيستر باق ٶكٸلدەرٸنٸڭ كەسٸبي قىزمەتٸن جٷزەگە اسىرۋ كەزٸندە ولاردىڭ قۇقىقتارى مەن بوستاندىقتارىن قامتاماسىز ەتۋدٸڭ ماڭىزدىلىعىن ەرەكشە اتاپ ٶتتٸ. ەكٸجاقتى ٶزارا ٸس-قيمىلدىڭ ماڭىزدىلىعىن ەسكەرە وتىرىپ, ا.بالاەۆا ت. ريبەيرونى مينيسترلٸكتٸڭ باق-تى دامىتۋ سالاسىنداعى تٷرلٸ جوبالارى اياسىندا ٶزارا جەمٸستٸ جۇمىسقا شاقىردى.
كەزدەسۋ قورىتىندىسى بويىنشا تاراپتار باق-تى دامىتۋ سالاسىنىڭ بارلىق نەگٸزگٸ مەسەلەلەرٸ بويىنشا بايلانىستى دامىتۋعا كەلٸستٸ.
