مەملەكەتتٸك ورگانداردىڭ ينتەرنەت-رەسۋرستارىنىڭ بٸرىڭعاي تۇعىرناماسىنا ەلٸ دە بٸرقاتار مەملەكەتتٸك جەنە جەرگٸلٸكتٸ اتقارۋشى ورگان كٶشكەن جوق. بۇل تۋرالى قر تسيفرلىق دامۋ جەنە اەروعارىش ٶنەركەسٸبٸ ۆيتسە-مينيسترٸ ابىلايحان وسپانوۆ ايتتى, دەپ حابارلايدى قازاقپارات.
«مەملەكەتتٸك ورگانداردىڭ ينتەرنەت-رەسۋرستارىنىڭ بٸرىڭعاي تۇعىرناماسى قازاقستان رەسپۋبليكاسىنىڭ مەملەكەتتٸك اقپارات ساياساتىن ٸسكە اسىرۋ مەسەلەلەرٸ جٶنٸندەگٸ كوميسسييانىڭ 7 ماۋسىمداعى №3 حاتتاماسىنا سەيكەس ٸسكە اسىرىلىپ جاتىر. بٷگٸنگٸ كٷنٸ وسى ينتەرنەت-رەسۋرستاردىڭ بٸرىڭعاي تۇعىرناماسىنا 76 مەملەكەتتٸك ورگان مەن 17 جەرگٸلٸكتٸ اتقارۋشى ورگاندى كٶشٸرۋدٸ جوسپارلادىق. بٸراق, بٷگٸنگٸ كٷنٸ ولاردىڭ ٸشٸنەن 69 مەملەكەتتٸك ورگان مەن 12 جەرگٸلٸكتٸ اتقارۋشى ورگان كٶشٸرٸلدٸ. وسى شارانى ارى قاراي جالعاستىرۋ كەرەك. سول سەبەپتەن بٸزدٸڭ تاراپىمىزدان ۇسىنىس - وسى قالعان 7 مەملەكەتتٸك ورگان جەنە 5 جەرگٸلٸكتٸ اتقارۋشى ورگان جەدەل تٷردە ينتەرنەت-رەسۋرستارىنىڭ بٸرىڭعاي تۇعىرناماسىنا كٶشٸرٸلسە», - دەدٸ ۆيتسە-مينيستر اقپاراتقا قول جەتكٸزۋ مەسەلەلەرٸ جٶنٸندەگٸ كوميسسييانىڭ وتىرىسىندا.
ونىڭ اتاپ ٶتۋٸنشە, جەرگٸلٸكتٸ اتقارۋشى ورگانداردان نۇر-سۇلتان, الماتى جەنە اتىراۋ, اقتٶبە, جەنە جامبىل وبلىستارى ينتەرنەت-رەسۋرستاردىڭ بٸرىڭعاي تۇعىرناماسىنا كٶشۋلەرٸ قاجەت.
«بٸز وقىتۋ كۋرستارىن ٶتكٸزدٸك. بٷگٸنگٸ كٷنگە دەيٸن 623 مەملەكەتتٸك قىزمەتشٸلەر وقىتىلدى. 863 مەملەكەتتٸك قىزمەتتٸڭ پاسپورتتارى تولتىرىلدى. تيٸستٸ جۇمىس اتقارىلىپ جاتىر. وسى جىلدىڭ سوڭىنا دەيٸن جوسپارلانعان جۇمىستاردى ورىندايمىز دەپ ٷمٸتتەنەمٸن», - دەدٸ ابىلايحان وسپانوۆ.
وسى رەتتە وتىرىسقا تٶراعالىق ەتكەن قر اقپارات جەنە قوعامدىق دامۋ مينيسترٸ ايدا بالاەۆا جوعارىدا اتالعان ٶڭٸرلەردٸڭ ەكٸمدٸكتەرٸنە ينتەرنەت-رەسۋرستاردىڭ بٸرىڭعاي تۇعىرناماسىنا كٶشۋلەرٸن جەدەلدەتۋ قاجەتتٸگٸن ەسكەرتتٸ. سونىمەن قاتار مينيستر بٸرىڭعاي تۇعىرنامادا اقپارات جٷيەلٸ تٷردە جاڭارىپ وتىرۋى قاجەتتٸگٸن باسا ايتتى.
«كەيدە ايلاپ اقپارات جاڭارتىلمايدى. بٸزگە دەر ۋاقىتىندا بەرٸلمەگەن, ەسكٸرٸپ كەتكەن اقپاراتتىڭ قاجەتٸ قانشا? بۇل دا ٷلكەن مەسەلە. سەبەبٸ اقپارات بارلىق ۋاقىتتا دا ٶزەكتٸ بولۋى تيٸس. بٸز قاتە اقپارات تارادى دەپ, ادامدار ٶسەك-اياڭعا سەنەدٸ دەپ رەنجيمٸز. تٷپتەپ كەلگەندە مۇنداي جايتتىڭ ورىن الۋىنا رەسۋرستارداعى اقپاراتتاردى جٷيەلٸ تٷردە جاڭارتپاي ٶزٸمٸز تٷرتكٸ بولىپ وتىرمىز. سوندىقتان مەملەكەتتٸك ورگاندار رەسۋرستارداعى اقپاراتتاردى جٷيەلٸ تٷردە جاڭارتىپ وتىرۋ مەسەلەسٸن ەرەكشە باقىلاۋعا الۋ تيٸس»,- دەدٸ ايدا بالاەۆا.
ايتا كەتەيٸك, ونلاين فورماتتا ٶتكەن اقپاراتقا قول جەتكٸزۋ مەسەلەلەرٸ جٶنٸندەگٸ كوميسسييانىڭ وتىرىسىندا مٷمكٸندٸگٸ شەكتەۋلٸ ادامداردىڭ اقپاراتقا قول جەتكٸزۋ مەسەلەلەرٸ, مەملەكەتتٸك ورگانداردىڭ اشىقتىق دەڭگەيٸن جىل سايىنعى باعالاۋدىڭ نەگٸزگٸ قورىتىندىلارى, مەملەكەتتٸك ورگانداردىڭ ينتەرنەت-رەسۋرستارىنىڭ بٸرىڭعاي تۇعىرناماسىنىڭ جۇمىسى, سونداي-اق «اشىق بيۋدجەتتەر» پورتالىن جەتٸلدٸرۋ بويىنشا جۇمىس جوسپارىنىڭ ورىندالۋى تالقىلاندى.
