مەجٸلٸستٸڭ جالپى وتىرىسىندا «Nur Otan» پارتيياسى فراكتسييانىڭ مٷشەسٸ, دەپۋتات ماقپال تەجماعامبەتوۆا 1-5 سىنىپتارعا ارنالعان اعىلشىن تٸلٸ وقۋلىعىنداعى بٸرقاتار مەسەلەنٸ كٶتەردٸ, دەپ حابارلايدى "ۇلت اقپارات".
«اعىلشىن تٸلٸن وقىتۋعا ارنالعان وقۋلىقتارعا قر بٸلٸم جەنە عىلىم مينيسترلٸگٸ تاراپىنان وڭ ساراپتاما بەرٸلگەن. بۇل وقۋلىقتار «ەكسپرەسس پابليشين» باسپاسىنان باسىلىپ شىققان. سىرتقى مۇقاباسىندا اۋدارىلعان دەپ جازىلعانمەن, اۋدارما ەمەس. 2016 جىلدان بەرٸ وسى باسپانىڭ قازاقستانداعى رەسمي ٶكٸلٸ «EDU Stream» كومپانيياسى شىعارىپ وتىرعان. ٶزگەشەلٸگٸ - قازاقستان بالالارىنىڭ سۋرەتتەرٸن پايدالانىپ تاقىرىپتى اشۋعا تىرىسقان. سانا-سەزٸمٸ جاڭا قالىپتاسىپ كەلە جاتقان بٷلدٸرشٸنگە ارنالعان كەز كەلگەن وقۋلىق ۇلتتىق يدەولوگييا تۇرعىسىنان جاساقتالۋى كەرەك. ال بۇل كٸتاپتاردان قازاقتىڭ ۇلتتىق ۇعىمىنا, دەستٷرلٸ تەربيەسٸنە كەلمەيتٸن, شەتەلدٸڭ يدەولوگيياسىن ناسيحاتتايتىن يلليۋستراتسييالار مەن مەتٸندەردٸ كٶپتەپ كەزدەستٸرۋگە بولادى», - دەدٸ ماقپال تەجماعامبەتوۆا ٷكٸمەت باسشىسىنىڭ ورىنباسارى ەرالى توعجانوۆتىڭ اتىنا جولداعان ساۋالىندا.
«ەكٸنشٸ سىنىپقا ارنالعان وقۋلىقتا ۇلتتىق دەستٷردٸڭ قاتارىنا پاسحا مەن ماسلەننيتسانى ەنگٸزٸپتٸ. مۇنى ەرينە, قازاقستاندىق مەرەكەلەر دەپ كٶرسەتسە تٷسٸنۋگە بولادى. قازاقتىڭ سالت-دەستٷرلەرٸ مەن ەدەت-عۇرىپتارى دەپ جازىلعان تاقىرىپتا شٸلدەحانا مەن بالانى قىرقىنان شىعارۋ سيياقتى سالت-دەستٷردٸڭ جانىندا دٸني مەرەكەلەر نەگە جٷر?», - دەدٸ دەپۋتات.
وسى ورايدا وقۋ باعدارلاماسىندا قاتەلٸكتەر جٸبەرگەن وقۋلىقتارعا قاتىستى تيٸستٸ ۇسىنىستار ايتىلدى:
بٸرٸنشٸدەن, بٸلٸم جەنە عىلىم مينيسترلٸگٸ بٸلٸم باعدارلاماسىنا ەنگٸزگەن اتالمىش اعىلشىن تٸلٸ وقۋلىقتارىن قايتا ساراپتاپ, جٸبەرٸلگەن ٶرەسكەل قاتەلٸكتەرگە جاۋاپكەرشٸلٸكتٸ كٷشەيتۋ سۇرالدى.
ەكٸنشٸدەن, وقۋلىق ەزٸرلەۋدە وعان ساراپتاما جٷرگٸزۋ قاعيداتتارىن جٸتٸ قاراپ, نورماتيۆتٸك-قۇقىقتىق اكتٸلەردٸڭ تالاپتارىن بٸلٸم جەنە تەربيە كومپونەنتتەرٸنٸڭ تۇتاستىعى اياسىندا كٷشەيتۋ قاجەت.
ٷشٸنشٸدەن, وقۋلىق قۇراستىرۋدا باسشىلىققا الاتىن ٷلگٸلٸك وقۋ باعدارلاماسىنا ساراپتاما جاسالىپ, باعدارلاما ەزٸرلەۋشٸ توپتىڭ قۇرامىن قايتا قاراۋ كەرەك. ساراپتامالىق كوميسسييا قۇرامىنا تەك اعىلشىن تٸلٸ مۇعالٸمدەرٸ ەمەس, بالالار پسيحولوگىنان باستاپ, سۋرەتشٸ پەداگوگ, ەتنوگراف, قازاق تٸلٸ ماماندارى, ەدەبيەتشٸلەر تاعى دا باسقا مامانداردى ەنگٸزۋ كەرەك.
تٶرتٸنشٸدەن, وقۋلىقتى باسىپ شىعارۋدا شەتەلدٸك ەمەس, ٶز وتاندىق باسپالارىمىزدى قاراستىرۋ قاجەت. ۇلتتىڭ جاڭا بولمىسىن قالىپتاستىرۋ كەزەڭٸندە مۇنداي وقۋلىقتار قازاقستاننىڭ بولاشاعىنا جاۋاپ بەرەتٸن, ٶز وتانىن قادٸرلەيتٸن ۇرپاقتى تەربيەلەۋ ٷشٸن ٶتە ماڭىزدى.
