س.سەيفۋللين اتىنداعى قازاق اگرارلىق-تەحنيكالىق ۋنيۆەرستيەتٸ (قاتۋ) زەرتتەۋ ۋنيۆەرسيتەتٸ بولىپ ترانسفورماتسييالاندى, دەپ حابارلايدى "ۇلت اقپارات".
«ەندٸ ۇلتتىق اگرارلىق عىلىمي بٸلٸم بەرۋ ورتالىعىنا قاراستى س.سەيفۋللين اتىنداعى قازاق اگرارلىق-تەحنيكالىق ۋنيۆەرسيتەتٸنٸڭ قۇرامىنا 3 عىلىمي-زەرتتەۋ ينستيتۋتى كٸرەدٸ. ولار - ا.باراەۆ اتىنداعى استىق شارۋاشىلىعى عىلىمي-ٶندٸرٸستٸك ورتالىعى, قازاق ورمان شارۋاشىلىعى, اگروورمانمەليوراتسيياسى عىلىمي-زەرتتەۋ ينستيتۋتى, نۇر-سۇلتان قالاسىنداعى قايتا ٶڭدەۋ جەنە تاماق ٶنەركەسٸبٸ عزي جەنە سولتٷستٸك قازاقستان اۋىل شارۋاشىلىعى تەجٸريبە ستانتسيياسى. قر اۋىل شارۋاشىلىعى مينيسترلٸگٸ وسىنداي ناقتى شەشٸم قابىلدادى», - دەلٸنگەن ۇاعبو باسپاسٶز قىزمەتٸنٸڭ مەلٸمەتٸندە.
وسىلايشا, قاتۋ ەلەمنٸڭ جەتەكشٸ ۋنيۆەرسيتەتتەرٸ سيياقتى اگرارلىق عىلىم مەن كادرلاردى دايارلاۋدىڭ قازٸرگٸ زامانعى مودەلٸنە كٶشەدٸ. اتالعان مودەلدە زەرتحانا-اۋديتورييا جەنە ٶندٸرٸس ٶزارا بايلانىستى جٷيەمەن بٸرٸكتٸرٸلەدٸ. ۋنيۆەريستەت وسى ماقساتتا ەلەمدەگٸ جەتەكشٸ اگرارلىق ۋنيۆەرسيتەتتەر: UC Davis (اقش) جەنە AgroParisTech-پەن (فرانتسييا) بٸرگە قاتۋ-دى دامىتۋدىڭ الداعى 5 جىلدىق باعدارلاماسىن ەزٸرلەدٸ.
ونىڭ ەرەكشەلٸگٸ مىنادا:
1. زەرتتەۋ ۋنيۆەرسيتەتٸندە شەتەلدٸك جەتەكشٸ عالىمدارمەن بٸرلەسٸپ جٷزەگە اسىرىلاتىن عىلىمي باعدارلامالار مۋلتيپليكاتيۆتٸ نەتيجەسٸمەن تيٸمدٸ. ياعني, اٶك-نٸڭ ٶزەكتٸ مەسەلەلەرٸن شەشەتٸن عىلىمي ەزٸرلەمەلەرمەن بٸرگە, وسىنداي جاڭا باعدارلامالار نەگٸزٸندە زاماناۋي عىلىمي كادرلار دايىندالادى. ەربٸر عىلىمي زەرتتەۋدٸڭ نەتيجەسٸ ستۋدەنتتەر ٷشٸن بٸردەن جاڭا بٸلٸم بەرۋ باعدارلامالارىنا اينالادى.
2. بٸلٸم الۋشىلاردى پراكتيكالىق باسىمدىقپەن وقىتۋ كٷشەيتٸلەدٸ, ولار ستۋدەنتتٸك كەزدەن عىلىمي جۇمىسقا تارتىلاتىن بولادى. سوندىقتان اگرارلىق فاكۋلتەتتەردٸڭ جوعارى كۋرس ستۋدەنتتەرٸ, ماگيسترانتتار, دوكتورانتتار عزي جەنە تەجٸريبەلٸك ستانتسييا بازاسىنداعى كامپۋستاردا تۇرىپ وقيدى. بٷگٸنگٸ كٷنٸ قاتۋ شەتەلدٸك ەرٸپتەستەر كٶمەگٸمەن وقۋ باعدارلامالارىن جاڭعىرتۋدى باستادى. ەگەر ولاردىڭ بارلىق ۇسىنىستارىن ورىنداۋ مٷمكٸن بولسا, 5 جىلدان كەيٸن قاتۋ-دىڭ ماگيسترلٸك ديپلومى AgroParisTech ۋنيۆەرسيتەتٸندە دە مويىندالاتىن بولادى.
3. زەرتتەۋ ۋنيۆەرسيتەتٸ فەرمەرلەر ٷشٸن بٸلٸم تاراتۋ ورتالىعىنا («extension services») اينالادى (اگرارلىق مامانداردى قايتا دايارلاۋ). جەتەكشٸ اگرارلىق ۋنيۆەرسيتەتتەردە «extension services» جٷيەسٸ عىلىمدى ٶندٸرٸسپەن بايلانىستىراتىن «كٶپٸر».
وسىلايشا, قاتۋ رەسپۋبليكاداعى اٶك-دە قازٸرگٸ زامانعى جەنە ەڭ ٸرٸ زەرتتەۋ ەرٸ بٸلٸم بەرۋ ورتالىعىنا اينالماق. ۋنيۆەرسيتەتتە وعان قاجەتتٸ بارلىق عىلىمي, ٶندٸرٸستٸك ينفراقۇرىلىمدار بار.
