S.Seifýllin atyndaǵy Qazaq agrarlyq-tehnikalyq ýniverstieti (QATÝ) Zertteý ýniversiteti bolyp transformatsiialandy, dep habarlaidy "Ult aqparat".
«Endi Ulttyq agrarlyq ǵylymi bilim berý ortalyǵyna qarasty S.Seifýllin atyndaǵy Qazaq agrarlyq-tehnikalyq ýniversitetiniń quramyna 3 ǵylymi-zertteý institýty kiredi. Olar - A.Baraev atyndaǵy astyq sharýashylyǵy ǵylymi-óndiristik ortalyǵy, Qazaq orman sharýashylyǵy, agroormanmelioratsiiasy ǵylymi-zertteý institýty, Nur-Sultan qalasyndaǵy qaita óńdeý jáne tamaq ónerkásibi ǴZI jáne Soltústik Qazaqstan aýyl sharýashylyǵy tájiribe stantsiiasy. QR Aýyl sharýashylyǵy ministrligi osyndai naqty sheshim qabyldady», - delingen UAǴBO baspasóz qyzmetiniń málimetinde.
Osylaisha, QATÝ álemniń jetekshi ýniversitetteri siiaqty agrarlyq ǵylym men kadrlardy daiarlaýdyń qazirgi zamanǵy modeline kóshedi. Atalǵan modelde zerthana-aýditoriia jáne óndiris ózara bailanysty júiemen biriktiriledi. Ýniveristet osy maqsatta álemdegi jetekshi agrarlyq ýniversitetter: UC Davis (AQSh) jáne AgroParisTech-pen (Frantsiia) birge QATÝ-dy damytýdyń aldaǵy 5 jyldyq baǵdarlamasyn ázirledi.
Onyń ereksheligi mynada:
1. Zertteý ýniversitetinde sheteldik jetekshi ǵalymdarmen birlesip júzege asyrylatyn ǵylymi baǵdarlamalar mýltiplikativti nátijesimen tiimdi. Iaǵni, AÓK-niń ózekti máselelerin sheshetin ǵylymi ázirlemelermen birge, osyndai jańa baǵdarlamalar negizinde zamanaýi ǵylymi kadrlar daiyndalady. Árbir ǵylymi zertteýdiń nátijesi stýdentter úshin birden jańa bilim berý baǵdarlamalaryna ainalady.
2. Bilim alýshylardy praktikalyq basymdyqpen oqytý kúsheitiledi, olar stýdenttik kezden ǵylymi jumysqa tartylatyn bolady. Sondyqtan agrarlyq fakýltetterdiń joǵary kýrs stýdentteri, magistranttar, doktoranttar ǴZI jáne tájiribelik stantsiia bazasyndaǵy kampýstarda turyp oqidy. Búgingi kúni QATÝ sheteldik áriptester kómegimen oqý baǵdarlamalaryn jańǵyrtýdy bastady. Eger olardyń barlyq usynystaryn oryndaý múmkin bolsa, 5 jyldan keiin QATÝ-dyń magistrlik diplomy AgroParisTech ýniversitetinde de moiyndalatyn bolady.
3. Zertteý ýniversiteti fermerler úshin bilim taratý ortalyǵyna («extension services») ainalady (agrarlyq mamandardy qaita daiarlaý). Jetekshi agrarlyq ýniversitetterde «extension services» júiesi ǵylymdy óndirispen bailanystyratyn «kópir».
Osylaisha, QATÝ respýblikadaǵy AÓK-de qazirgi zamanǵy jáne eń iri zertteý ári bilim berý ortalyǵyna ainalmaq. Ýniversitette oǵan qajetti barlyq ǵylymi, óndiristik infraqurylymdar bar.
