مەملەكەتتٸك قىزمەت ٸستەر اگەنتتٸگٸ مەمقىزمەتشٸلەردٸڭ قوسىمشا ٸسپەن اينالىسۋىنا قاتىستى تٷزەتۋلەر بويىنشا تٷسٸنٸكتەمە بەردٸ, دەپ حابارلايدى قازاقپارات.
«27 جەلتوقساندا مەملەكەتتٸك قىزمەت ٸستەر اگەنتتٸگٸنٸڭ تٶراعاسى وكق-دا ٶتكەن باسپاسٶز كونفەرەنتسيياسى بارىسىندا مەملەكەتتٸك قىزمەتشٸلەردٸڭ قوسىمشا قىزمەتپەن اينالىسۋىنا قاتىستى زاڭنامالىق تٷزەتۋلەر ەنگٸزۋ مەسەلەسٸن پىسىقتاۋ تۋرالى اقپارات بەردٸ.
قازٸرگٸ ۋاقىتتا قولدانىستاعى زاڭناما مەملەكەتتٸك قىزمەتشٸلەردٸڭ عىلىمي, پەداگوگيكالىق جەنە شىعارماشىلىق قىزمەتپەن اينالىسۋىنا مٷمكٸندٸك بەرەدٸ», - دەلٸنگەن تٷسٸندٸرمەدە.
اگەنتتٸكتٸڭ باسپاسٶز قىزمەتٸ تاراتقان مەلٸمەت بويىنشا, بۇل ساناتتار ارنايى جەنە/نەمەسە بٸرەگەي داعدىلارى مەن بٸلٸمٸ, سونداي-اق بوس ۋاقىتى بار مەملەكەتتٸك قىزمەتشٸلەردٸ قامتىمايدى.
«مىسالى, مەملەكەتتٸك قىزمەتتە جۇمىس ٸستەيتٸن دەرٸگەر جۇمىستان بوس ۋاقىتىندا مەديتسينالىق ۇيىمداردا جالداۋ بويىنشا ەمدەۋ پراكتيكاسىمەن اينالىسا الادى. تابىستى سپورتشىلار ٶز تەجٸريبەسٸن ٶسكەلەڭ ۇرپاققا بەرە الادى, تيٸستٸ سەرتيفيكاتى بار زاڭگەرلەر شارتتارعا نەمەسە كەلٸسٸمشارتتارعا, كٶلٸك جٷرگٸزۋگە, سونداي-اق جالداۋ بويىنشا جۇمىستاردىڭ ٶزگە دە تٷرلەرٸنە ساراپتاما جٷرگٸزە الادى.
مەملەكەتتٸك قىزمەتشٸلەردٸڭ قۇقىقتارىن ٸسكە اسىرۋ ماقساتىمەن زاڭ جوباسىندا مەملەكەتتٸك قىزمەتشٸلەرگە نەگٸزگٸ جۇمىسىنان بوس ۋاقىتىندا, «مٷددەلەر قاقتىعىسى» تۋرالى نورمانى ساقتاي وتىرىپ ورىنداي الاتىن جۇمىستان تابىس الۋعا زاڭدى مٷمكٸندٸك بەرۋ ۇسىنىلادى.
بۇل ولاردىڭ كٶپشٸلٸگٸنٸڭ ەرەكشە داعدىلارىن ساقتاۋعا, دامىتۋعا جەنە تاراتۋعا ىقپال ەتەدٸ», - دەپ جازادى ۆەدومسۆتونىڭ باسپاسٶز قىزمەتٸ.
سونداي-اق, رەسمي تٷسٸندٸرمەدە كەسٸپكەرلٸك قىزمەت پەن اقى تٶلەنەتٸن ٶزگە قىزمەت تٷرلەرٸن شاتاستىرۋعا بولمايتىنى ايتىلعان.
«ياعني, بۇل «جالداۋ ارقىلى» اتقارىلاتىن جۇمىستى بٸلدٸرەدٸ. بۇل مەملەكەتتٸك قىزمەتشٸ ورىندايتىن فۋنكتسييالاردان پايدا الۋدى كٶزدەمەيدٸ.
ايتا كەتۋ كەرەك, مۇنداي تەجٸريبە الىس شەتەلدەردە دە بار. مىسالى, انگلييا مەن فينلياندييادا جوعارى تۇرعان باسشىلىقتىڭ كەلٸسٸمٸمەن ەكٸنشٸ جۇمىسقا يە بولۋعا بولادى. بۇل رەتتە مٷددەلەر قاقتىعىسىنا نەمەسە تيٸمدٸلٸكتٸڭ تٶمەندەۋٸنە جول بەرٸلمەيدٸ», - دەلٸنگەن رەسمي مەلٸمەتتە.
ەسكە سالساق, مۇنداي باستامانى قر مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى انار جايىلعانوۆا ورتالىق كوممۋنيكاتسييالار قىزمەتٸندە ٶتكەن بريفينگٸدە مەلٸم ەتكەن بولاتىن.
«نەلٸكتەن ولارعا قوسىمشا جۇمىس ٸستەۋگە بولمايدى? بولادى. بٸراق كەسٸپكەرلٸكپەن ەمەس. مىسالى, جۇمىستان بوس كەزٸندە تاكسيست بولىپ جۇمىس ٸستەۋگە بولادى دەگەن سيياقتى. وتباسىن اسىراۋعا قوسىمشا قاراجات كەرەك بولسا, سوعان رۇقسات بەرەتٸندەي زاڭنامالىق ٶزگەرٸستەر دايىنداپ جاتىرمىز. بٸراق ول ەلٸ قابىلدانعان جوق. ال كەسٸپكەرلٸكپەن اينالىسۋعا بولمايدى», - دەگەن انار جايىلعانوۆا.
