باتىس قازاقستان وبلىسى پوليتسييا دەپارتامەنتٸ اۋىلدىق ٶرت سٶندٸرۋ بٶلٸمٸ باستىعىنىڭ ٶلٸمٸنە قاتىستى تىڭ دەرەكتەر جارييالادى. 46 جاستاعى اقان نۇرعاليەۆ ٶز تۋىسىنىڭ سارايىندا ٶلٸمشٸ ەتٸپ سابالعان كٷيدە تابىلعان. كەلەسٸ كٷنٸ ازامات اقجايىق اۋداندىق اۋرۋحاناسىندا كٶز جۇمدى دەپ حابارلايدى KAZ.NUR.KZ.
پوليتسەيلەر مەلٸمەتٸنە سٷيەنسەك, مارقۇم مەن قاراۋىلتٶبە اۋىلى تۇرعىنىنىڭ اراسىندا كيكٸلجٸڭ تۋىنداعان. ٶرت سٶندٸرۋ بٶلٸمٸنٸڭ باستىعى بٶگدە ادامنىڭ كٶلٸكتٸ ٶزٸنە قاراستى وبەكتٸنٸڭ اۋماعىنا قوياتىنىنا نارازىلىق بٸلدٸرگەن.
"№27 ٶرت سٶندٸرۋ بٶلٸمٸنٸڭ باستىعى كٷدٸكتٸنٸڭ ٷيٸنە بارادى. ول ازاماتقا نىسان اۋماعىنا كٶلٸك قويماۋدى ەسكەرتەدٸ. ازاماتتاردىڭ اراسىندا جانجال تۋادى. كەيٸن 29 جاستاعى كٷدٸكتٸ ماس كٷيٸندە ٶرت سٶندٸرۋ بٶلٸمٸنە بارادى. ول قىزمەتكەرلەردەن باستىقتى شاقىرۋدى سۇرايدى. ارتىنشا وعان جۇدىرىق جۇمساي باستايدى. تٶبەلەستەن كەيٸن ەكٸ ازامات تا بٶلٸم اۋماعىنان كەتٸپ قالادى",- دەيدٸ بقو پد رەسمي ٶكٸلٸ بولاتبەك بەلگٸبەكوۆ. تاعى دا
ال 26 ناۋرىز كٷنٸ اقان نۇرعاليەۆ تۋعان اعاسىنىڭ ٷيٸندەگٸ سارايدا سابالعان كٷيٸ تابىلىپتى. ازاماتتىڭ سەگٸز قابىرعاسى سىنىپ, باسى تٷگەلدەي كٶگەرگەن ەكەن.
ٶكٸنٸشكە قاراي, دەرٸگەرلەر نۇرعاليەۆتٸ قۇتقارا المادى, ول العان جاراقاتتارى سالدارىنان جانساقتاۋ بٶلٸمٸندە قايتىس بولدى. ال كٷدٸكتٸ - جۇمىسسىز, بٸرنەشە رەت ٸستٸ بولعان.
"كٷدٸكتٸ ۇستالدى. ونىڭ وسىعان دەيٸن زاڭعا قاتىستى مەسەلەلەرٸ بولعان. ۇستالعان ازاماتقا قاتىستى قىلمىستىق كودەكستٸڭ 106-بابى 1-بٶلٸگٸ (اۋىر دەنە جاراقاتىن سالۋ) بويىنشا قىلمىستىق ٸس قوزعالدى. جەبٸرلەنۋشٸنٸڭ قايتىس بولۋىنا بايلانىستى ٸس وسى باپتىڭ ٷشٸنشٸ بٶلٸگٸ بويىنشا قايتا سارالاندى. سانكتسييا 12 جىلعا دەيٸن باس بوستاندىعىنان ايىرۋدى كٶزدەيدٸ",- دەدٸ پوليتسييادا.
وبلىستىق تجد مارقۇم تۋىستارى مەن جاقىندارىنا تيٸستٸ كٶمەك كٶرسەتتٸ.
