بيىل افينا مارافونى مەن كەيٸنگە شەگەرٸلگەن جارتىلاي مارافونى ەلەۋمەتتٸك اراقاشىقتىقتى ساقتاي وتىرا, جوسپارلانعان ۋاقىتتان كەش ۇيىمداستىرىلادى.
مارافون 8 قاراشادا ٶتەدٸ. ال ٶتكەن جىلدىڭ ناۋرىز ايىندا كەيٸنگە شەگەرٸلگەن جارتىلاي مارافون 50 كٷن بۇرىن, ياعني 20 قىركٷيەكrە جوسپارلانعان, دەپ حابارلايدى, "ۇلت اقپارات" قر ۇلتتىق وليمپيادا كوميتەتٸنە سٸلتەمە جاساپ.
گرەتسييا ٷكٸمەتٸ كوروناۆيرۋس ٸندەتٸمەن كٷرەستە وڭ نەتيجەگە قول جەتكٸزٸپ, ٷكٸمەتٸ 5000 قاتىسۋشىعا رۇقسات بەردٸ. سوندىقتان بيىلعى مارافون ەكٸ كەزەڭنەن تۇرادى. بٸرٸنشٸ كەزەڭگە 5000, ەكٸنشٸ كەزەڭٸنە 5000 قاتىسۋشىدان جٸبەرٸلەدٸ. 7-8 قاراشادا دەمالىس كٷندەرٸ ٶتەتٸن جارىسقا ۇيىمداستىرۋشىلار ەكٸ كٷن ٸشٸندە 30000 سپورتشى قاتىسادى دەپ كٷتۋدە. بيىلعى مارافونعا ەلەمنٸڭ ٷزدٸك اتاقتى جٷگٸرۋشٸلەرٸ شاقىرىلمايدى. سونداي-اق, قاتىسۋشىلاردىڭ قاۋٸپسٸزدٸگٸن قامتاماسىز ەتۋ ماقساتىندا سالتاناتتى ٸس-شارالارى مەن گالا-كەشتەر ۇيىمداستىرىلمايدى.
پاندەمييانىڭ سالقىنى 2020 جىلدىڭ مارافوندار ماۋسىمىنا دا ەسەر ەتتٸ. اتاپ ايتساق ەلەمدەگٸ ەڭ ٸرٸ مارافون سانالاتىن بوستون, نيۋ-يورك پەن بەرليندەگٸ World Marathon Majors كەزەڭدەرٸ دە ٶتپەيتٸن بولدى. لوندون مارافونى 4 قازانعا جوسپارلانعان, بٸراق ونىڭ ٶتەتٸنٸ كٷمەندٸ.
