Biyl Afina marafony men keiinge shegerilgen jartylai marafony áleýmettik araqashyqtyqty saqtai otyra, josparlanǵan ýaqyttan kesh uiymdastyrylady.
Marafon 8 qarashada ótedi. Al ótken jyldyń naýryz aiynda keiinge shegerilgen jartylai marafon 50 kún buryn, iaǵni 20 qyrkúiekre josparlanǵan, dep habarlaidy, "Ult aqparat" QR Ulttyq Olimpiada komitetine silteme jasap.
Gretsiia úkimeti koronavirýs indetimen kúreste oń nátijege qol jetkizip, úkimeti 5000 qatysýshyǵa ruqsat berdi. Sondyqtan biylǵy marafon eki kezeńnen turady. Birinshi kezeńge 5000, ekinshi kezeńine 5000 qatysýshydan jiberiledi. 7-8 qarashada demalys kúnderi ótetin jarysqa uiymdastyrýshylar eki kún ishinde 30000 sportshy qatysady dep kútýde. Biylǵy marafonǵa álemniń úzdik ataqty júgirýshileri shaqyrylmaidy. Sondai-aq, qatysýshylardyń qaýipsizdigin qamtamasyz etý maqsatynda saltanatty is-sharalary men gala-keshter uiymdastyrylmaidy.
Pandemiianyń salqyny 2020 jyldyń marafondar maýsymyna da áser etti. Atap aitsaq álemdegi eń iri marafon sanalatyn Boston, Niý-Iork pen Berlindegi World Marathon Majors kezeńderi de ótpeitin boldy. London marafony 4 qazanǵa josparlanǵan, biraq onyń ótetini kúmándi.
