فوتو: اشىق دەرەككٶز
قازتاگ باسشىسى ەسەت ماتاەۆ كارانتينگە اۋىستىرىلعان. بۇل جٶنٸندە ادۆوكاتى رەنا كەريموۆا حابارلادى.
"مەرەكەلەردەن كەيٸن بەيسەنبٸ كٷنٸ تەرگەۋ يزولياتورىنا ەسەت ماتاەۆقا كٸرٸپ شىقتىم. وعان قاراۋدىڭ ٶزٸ اۋىر: ماڭدايىندا ٷلكەن تىرتىق, كٶزٸ ٸسٸپ كەتكەن, بەتٸنٸڭ جارتىسى قاپ-قارا, ٸسٸنگەن. ول وسىنداي حالدە جاڭادان كەلگەن قامالۋشىلارمەن بٸرگە كارانتيندە وتىر. كارانتين 15 كٷنگە سوزىلادى", - دەپ جازدى ادۆوكات.
اقپاراتقا رەاكتسييا بٸلدٸرگەن ادۆوكات سەۋلە كٶپجانوۆا دا جۋرناليستكە تاعايىندالعان بۇلتارتپاس شارانىڭ قاتالدىعىن العا تارتتى.
"جۋرناليستەر مەن ادۆوكاتتارعا قاتىستى سۇمدىق, جول بەرۋگە بولمايتىن نەرسەلەر بولىپ جاتىر. ادام ەرەكشە مەديتسينالىق كٶمەككە زەرۋ, ال ونى ساۋىعۋعا جاعداي جوق كامەرادا ۇستاپ وتىر. بۇل ازاپتاۋعا كٶبٸرەك ۇقساس, سەبەبٸ ادام قينالىپ جاتىر", - دەپ جازدى كٶپجانوۆا Facebook-تا.
ٶتكەن اپتادا ەسەت ماتاەۆتىڭ الماتىدا تٶبەلەس كەزٸندە سوققىعا جىعىلعانى حابارلانعان ەدٸ. پوليتسييانىڭ ايتۋىنشا, “بۇزاقىلىق” بابى بويىنشا ٸس قوزعالىپ, تٶبەلەسكە قاتىسۋشىلار ونىڭ ٸشٸندە, ماتاەۆ تا ۇستالعان.
ەسەت ماتاەۆ قىلمىستىق كودەكستٸڭ 293-بابىنىڭ ("بۇزاقىلىق") 2-بٶلٸمٸ بويىنشا كٷدٸككە ٸلٸنگەن. بۇل باپ بويىنشا 3-تەن 6 جىلعا دەيٸن بوستاندىعىنان ايىرۋ كٶزدەلگەن.
20 ناۋرىزدا ەسەت ماتاەۆ ەكٸ ايعا قامالعان.
