Foto: ashyq derekkóz
QazTAG basshysy Áset Mataev karantinge aýystyrylǵan. Bul jóninde advokaty Rena Kerimova habarlady.
"Merekelerden keiin beisenbi kúni tergeý izoliatoryna Áset Mataevqa kirip shyqtym. Oǵan qaraýdyń ózi aýyr: mańdaiynda úlken tyrtyq, kózi isip ketken, betiniń jartysy qap-qara, isingen. Ol osyndai halde jańadan kelgen qamalýshylarmen birge karantinde otyr. Karantin 15 kúnge sozylady", - dep jazdy advokat.
Aqparatqa reaktsiia bildirgen advokat Sáýle Kópjanova da jýrnalistke taǵaiyndalǵan bultartpas sharanyń qataldyǵyn alǵa tartty.
"Jýrnalister men advokattarǵa qatysty sumdyq, jol berýge bolmaityn nárseler bolyp jatyr. Adam erekshe meditsinalyq kómekke zárý, al ony saýyǵýǵa jaǵdai joq kamerada ustap otyr. Bul azaptaýǵa kóbirek uqsas, sebebi adam qinalyp jatyr", - dep jazdy Kópjanova Facebook-ta.
Ótken aptada Áset Mataevtyń Almatyda tóbeles kezinde soqqyǵa jyǵylǵany habarlanǵan edi. Politsiianyń aitýynsha, “Buzaqylyq” baby boiynsha is qozǵalyp, tóbeleske qatysýshylar onyń ishinde, Mataev ta ustalǵan.
Áset Mataev Qylmystyq kodekstiń 293-babynyń ("Buzaqylyq") 2-bólimi boiynsha kúdikke ilingen. Bul bap boiynsha 3-ten 6 jylǵa deiin bostandyǵynan aiyrý kózdelgen.
20 naýryzda Áset Mataev eki aiǵa qamalǵan.
