قازاقستان مەدەنيەت جەنە سپورت مينيسترٸ اقتوتى رايىمقۇلوۆا "ۆيتەبسك-2019" ۆوكالشىلار كونكۋرسىنىڭ گران-پري يەگەرٸ ەدٸلحان ماكينمەن كەزدەستٸ, دەپ حابارلايدى Sputnik قازاقستان.
جاس ەنشٸ الماتىداعى تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسى ەسترادا, ٶنەر فاكۋلتەتٸنٸڭ 4-كۋرسىندا وقيدى. ول "ۆيتەبسك-2019" ۆوكالشىلار كونكۋرسىندا 180 ۇپايدان 178 ۇپاي جيناپ, گران-پري جٷلدەسٸن جەڭٸپ الدى.
"ساعان ٷلكەن العىس بٸلدٸرەمٸز. قازاقستاننىڭ مەدەنيەت جەنە سپورت مينيسترلٸگٸنٸڭ قولداۋىمەن ول جاققا بارىپ كەلدٸڭ. سەنٸڭ ٶنەرٸڭە ەلەم تاڭعالدى. تاعى دا قۇتتىقتايمىن. شىعارماشىلىق قابٸلەتٸڭدٸ شىڭداي بەر!", - دەدٸ اقتوتى رايىمقۇلوۆا.
جاس ەنشٸ دە قولداۋ كٶرسەتكەن تىڭدارماندارىنا شەكسٸز العىسىن بٸلدٸردٸ.
"قولداۋ كٶرسەتكەن قازاقستاندىقتارعا راقمەت! بۇل جەڭٸسٸمدٸ قازاقستان حالقىنا ارنايمىن. بارلىڭىزعا زور دەنساۋلىق, باقىت تٸلەيمٸن. بيىل - جاستار جىلى. سوندىقتان بٸزگە كٶپ ەڭبەكتەنۋ كەرەك. ەڭبەك بارلىق قيىندىقتى جەڭەدٸ", - دەدٸ ەدٸلحان ماكين مەدەنيەت مينيسترلٸگٸنٸڭ كۋلۋارىندا.
سونداي-اق ول تانىمال ەنشٸ ديماش قۇدايبەرگەندٸ تانيتىنىن, ونى قاتتى سىيلايتىنىن جەتكٸزدٸ.
"ديماش - مەنٸڭ اعام, قۇرداسىم, دوسىم. ەكەۋمٸز 2012 جىلى "جاس قانات" بايقاۋىنا قاتىستىق. ديماش سول بايقاۋدا جەڭٸسكە جەتتٸ. سول كەزدەن باستاپ مەن دە جەڭٸسكە جەتكٸم كەلدٸ. ديماش ماعان كٷش-قۋات بەرٸپ, قولداۋ كٶرسەتتٸ. ونىمەن بەسەكەگە تٷسۋدٸ ايتاسىزدار, ونىمەن تانىسۋدىڭ ٶزٸ ٷلكەن قۇرمەت بولدى", - دەيدٸ جاس ەنشٸ.
ەدٸلحان ماكين توي مۋزىكاسىنا دا قاتىستى پٸكٸر بٸلدٸردٸ.
"بٸزگە توي كەرەك. سەبەبٸ, قازاق حالقى تويلاتۋدى جاقسى كٶرەدٸ. بٸراق ٶنەردٸڭ قۇنىن تٷسٸرمەيٸك. بٸز ٷلكەن ساحنالاردا قازاقتىڭ جانعا جاعىمدى شىعارمالارىن ورىنداۋعا تىرىسايىق", - دەدٸ ول.
وسى ورايدىڭ ونىڭ ۇستازى يانيسا كايسيدي ەدٸلحاننىڭ داۋىسى نەسٸمەن ەرەكشەلەتٸنٸن تٷسٸندٸردٸ.
"ونىڭ دياپازونى - 3 وكتاۆا. ول تٶمەنگٸ جوعارى, نوتالاردى ەركٸن الا الادى. بۇل ماڭىزدى. "ۆيتەبسك-2019" ۆوكالشىلار كونكۋرسىندا قازىلار القاسىنىڭ تٶراعاسى بولعان تامارا گۆەردتسيتەلي "ەدٸلحاننىڭ ۋنيۆەرسالدى ۆوكالشى ەكەنٸن اتاپ ٶتتٸ. قازٸرگٸ تاڭدا ساحناعا شىعۋ از, ادامداردى تاڭقالدىرا بٸلۋ كەرەك. ول ٶز ماقساتىنا جەتتٸ", - دەپ اتاپ ٶتتٸ يانيسا كايسيدي.
ۇستازدىڭ ايتۋىنشا, جۇرتتىڭ ونى ديماشپەن سالىستىرۋى بەكەر ەمەس.
"ديماش پەن ەدٸلحان ەن ورىنداعان كەزدە وعان ٶزٸندٸك ناقىش قوسقىسى كەلەدٸ", - دەپ تٷيٸندەدٸ ول.
ايتا كەتەيٸك, قر مەدەنيەت جەنە سپورت مينيسترٸ اقتوتى رايىمقۇلوۆامەن كەزدەسۋگە ۋكراينادا ٶتكەن "مولودايا گيليچينا-2019" حالىقارالىق ەن بايقاۋىنىڭ باس جٷلدەسٸن العان قۋانىش ەرزاتۇلى جەنە ٸ ورىن جٷلدەگەرلەرٸ مەرەكە كەنجەعۇل مەن "قازاق قىزدارى" تريوسى دا كەلدٸ.
"كٷللٸ ەلەمگە ۇلى دالا ەلٸنٸڭ ٶنەرٸ مەن مەدەنيەتٸن ناسيحاتتاپ جٷرگەن ەڭبەكتەرٸڭٸزگە شەكسٸز العىسىمدى بٸلدٸرەمٸن (...) قازاقتىڭ قوڭىر ٷنٸ حالقىمىزدىڭ ماڭدايىنا بٸتكەن باعى دەسەم, ارتىق ايتقانىم ەمەس. ٶزدەرٸڭٸز بٸلەسٸزدەر, ەمٸرە قاشاۋباەۆ پاريجدٸ قالاي باعىندىرسا, ديماشىمىز ميللياردتاعان حالقى بار قىتايدى, كەيٸنٸرەك ەلەمدٸ مويىنداتتى. مٸنەكەي, سٸزدەر دە دارىندارىڭىزبەن كٶزگە تٷسٸپ, جٷلدەمەن كەلٸپ وتىرسىزدار. شىن جٷرەكتەن قۋانىشتىمىن. بولاشاقتا ەلەم ساحنالارىندا بۇدان دا قور جەتٸستٸكتەرگە جەتەتٸندەرٸڭٸزگە سەنٸمدٸمٸن", - دەدٸ مينيستر.
سونىمەن بٸرگە, كەزدەسۋدە قازاق ۇلتتىق ٶنەر ت. جٷرگەنوۆ اتىنداعى ٶنەر اكادەميياسىنىڭ رەكتورى اسحات ماەميروۆ قر مەدەنيەت جەنە سپورت مينيسترلٸگٸنە العىس بٸلدٸردٸ.
«سلاۆيان بازارى» - ەۋرازييا كەڭٸستٸگٸندەگٸ بەدەلدٸ ورىنداۋشىلار بايقاۋى. تٶرت جىل بۇرىن ديماش وسى بايقاۋدان قانات قاعىپ ۇشتى. قازٸر ەلەمدٸ باعىندىردى. سٸزدٸڭ دە (اقتوتى رايىمقۇلوۆا - رەد.) انا رەتٸندە ەدٸلحانعا جازعان قولداۋىڭىزدى جەتكٸزٸپ جٷردٸم. تاعى بٸر ايتارىم, ەنشٸ تامارا گۆەردتسيتەلي باس جٷلدەنٸ تاپسىرىپ جاتىپ, قازاقستاندا ٶنەرگە, مەدەنيەتكە قولداۋ بٸلدٸرگەنٸ ٷشٸن ەلباسىعا العىس ايتتى. ەدٸلحان بيىل بٸرٸنشٸ رەت تاعايىندالعان بەلارۋس پرەزيدەنتٸ الەكساندر لۋكاشەنكونىڭ «سلاۆيان ٷمٸتٸ» سىيلىعىن جەڭٸپ الدى», - دەدٸ اسحات ماەميروۆ.
بىلتىر بۇل بايقاۋدا («سلاۆيان بازارى») قازاقستاندىق ەرنار سادىرباي جٷلدەلٸ 1-ورىن يەلەنسە, 2015 جىلى ديماش قۇدايبەرگەن تۇڭعىش رەت گران-پري جەڭٸپ العان ەدٸ.
