ەدٸلبەك نييازىمبەتوۆ: بۇل قيياناتقا قالاي شىداۋعا بولادى, ايتىڭىزدارشى...

- برازيلييانىڭ ريو-دە-جانەيرو قالاسىندا ٶتٸپ جاتقان وليمپيادا ويىندارىندا ەدٸلبەك نييازىمبەتوۆ كٷمٸس جٷلدەگەر اتانعان بولاتىن.

 سول جەكپە-جەكتەن كەيٸن ونى جەڭٸسٸمەن قۇتتىقتادىق. ول قازاقپارات تٸلشٸسٸنە سۇحبات بەرٸپ تۇرىپ, تٶرەشٸلەردٸڭ ٶزٸنە جاساعان قيياناتىن جٷرەگٸ قان جىلاپ تۇرىپ جەتكٸزدٸ. سودان دا بولار, بٸردەن سۇراعىمىزدى كٶڭٸلٸن جۇباتۋدان باستادىق.

- ەدٸلبەك, كٷمٸس تە جامان ەمەس قوي. وسى جٷلدەگە جەتە الماي كەتكەن قانشاما سپورتشى بار. كٷمٸسكە رازى ەمەسسٸڭ بە?

- جوق! مەن بۇل وليمپياداعا تەك التىن ٷشٸن كەلگەن بولاتىنمىن. ول ماقساتىما جەتە المادىم. ماعان كٷمٸس تاڭسىق ەمەس. لوندوندا العانمىن كٷمٸستٸ. ريوعا التىن ٷشٸن كەلٸپ ەدٸم. مەن فينالدا كۋبا بوكسشىسىن جەڭدٸم عوي. تٶرەشٸلەر مەنٸڭ التىنىمدى الىپ قويدى. بۇل قيياناتقا قالاي شىداۋعا بولادى, ايتىڭىزدارشى...

- ٶزٸڭە قانشالىقتى سەنٸمدٸ بولعانىڭدى سەزٸپ تۇرمىز. بٸراق, تٶرەشٸلەر سولاي شەشٸم جاسادى.بٸزدٸڭ دە قولدان كەلەر قايىر جوق...

- يە, سٸزدەردٸ تٷسٸنەمٸن. بارىنشا قولداۋ كٶرسەتتٸڭٸزدەر. سٸزدەر عانا ەمەس, بٷكٸل ريو حالقى مەنٸ قولداعانداي سەزٸندٸم. سەبەبٸ, مەن جۇدىرىقتاسىپ جٷرٸپ زالدان  تەك, «قازاقستان جەنە ەدٸلبەك» دەگەن داۋىستاردى ەستٸدٸم. وسى داۋىستاردى ەستٸگەن سايىن ٶزٸمدٸ قايراپ, العا ۇمتىلدىم. سول ٷشٸن بارىمدى سالدىم. سٸزدەردٸ ۇيالتقىم كەلمەدٸ. ٶكٸنٸشكە قاراي, تٶرەشٸ قارسىلاسىمنىڭ قولىن كٶتەردٸ. تاڭ قالدىم.

- بۇل جاعداي وسىعان دەيٸن لەۆيتتٸڭ جەكپە-جەگٸندە دە بولدى. ٶزٸڭ كٶردٸڭ. سەن كٷمەنسٸز ۇتۋ ٷشٸن قارسىلاسىڭدى قۇلاتۋىڭ كەرەك پە ەدٸ?

- يە, قۇلاتۋىم كەرەك ەدٸ. بٸراق, ول دا مىقتى بوكسشى. قۇلايتىن بوكسشى ەمەس. ال مەن ونى قۇلاتا الماسام دا, ۇتقانىما سەنٸمدٸ بولدىم. ول ماعان ەشتەڭە ٸستەي العان جوق. ٶزدەرٸڭٸز كٶردٸڭٸزدەر, قاشىپ جٷرٸپ الدى.

- سەن 16 جىلدان كەيٸن بولات جۇمادٸلوۆ اعاڭنىڭ ەرلٸگٸن قايتالادىڭ. بٸلەتٸن دە بولارسىڭ?

- ەرينە! بٸراق, قازٸر «ۇستازدان شەكٸرت وزعان» زاماندا بۇل كٶرسەتكٸش مەن ٷشٸن تٶمەن نەتيجە. ول اعام ناعىز التىن ەدٸ. ول كەزدە قازٸرگٸدەي بارلىق جاعداي جاسالماعان. مەنٸ ول كٸسٸمەن ەش سالىستىرۋعا كەلمەيدٸ. جۇمادٸلوۆ اعامىز ناعىز التىن ازامات.

- سەن ٶزگە ەلدە تۋىپ, قازاق ەلٸنە وليمپيادانىڭ ەكٸ بٸردەي كٷمٸس جٷلدەسٸن سىيلادىڭ. بۇل دا ٷلكەن قۋانىش ەمەس پە?

- مەن قاراقالپاقستاننان ەرتە كەلدٸم. نەگٸزگٸ بالالىق شاعىم وسىندا ٶتتٸ. سپورت مەكتەبٸن دە وسىندا باستادىم. مەن ٶزگە ەلدە تۋسام دا قانىم قازاق, جانىم قازاق. مەنٸ قازاق ەلٸ ەسەيتتٸ, ٶسٸردٸ, جەتٸلدٸردٸ. مەن ەكٸ كٷمٸس ەمەس, ەكٸ التىن سىيلاسام دا ازدىق ەتەدٸ.

- وسى جەكپە-جەك ٶتەردەن بۇرىن قانداي كٶڭٸل-كٷيدە بولدىڭ?

- كٶڭٸل-كٷيٸم تاماشا بولدى. دايىندىعىمدى دا ٶتە جاقسى ەدٸ. باپكەرلەرٸم نە كەرەك, بەرٸن ويداعىداي ٷيرەتتٸ. الدىن الا قارسىلاسىمدى دا قاتتى زەرتتەدٸك. وسال جاقتارىن كٶرٸپ, سولاي جۇمىس ٸستەدٸم. مەنٸڭ ەسەبٸم بويىنشا جەڭٸس مەنٸكٸ بولاتىن.

- بۇل جەڭٸسٸڭدٸ كٸمگە ارنايسىڭ ەندٸ?

- كٷمٸس بولسا دا, ەلٸمە ارنايمىن. بيىل تەۋەلسٸزدٸگٸمٸزدٸڭ 25 جىلدىعى. التىن السام, وسى ايتۋلى مەرەكەگە ارنايمىن دەپ جوسپارلاعان ەدٸم. بٸراق, ول بيٸكتٸ باعىندىرا المادىم. بارلىق جانكٷيەرلەرٸمنەن, حالقىمنان كەشٸرٸم سۇرايمىن.

- ەندٸ كەلەسٸ وليمپيادا ويىندارىنا قاتىساسىڭ با?

- ول تۋرالى ايتا المايمىن. ەلگە بارىپ, ەس جيىپ الايىق. سوسىن, الداعى جوسپارىمدى مٸندەتتٸ تٷردە سٸزدەرمەن بٶلٸسەتٸن بولامىن.

- ەڭگٸمەڭە راحمەت!

كٷنسۇلتان وتارباي