دٷنيەجٷزٸلٸك دەنساۋلىق ساقتاۋ ۇيىمىنىڭ مەلٸمەتٸنشە, ەلەمدە كوروناۆيرۋس ينفەكتسيياسىن جۇقتىرعاندار سانى 12 ميلليوننان اسقان. 548 مىڭنان استام ادام قايتىس بولدى. جۇقتىرۋ مەن ٶلٸم-جٸتٸم ستاتيستيكاسى كٷن ساناپ ارتىپ, ادامزات ەلٸ ٸندەتتٸ ەڭسەرە الماي تۇر, دەپ حابارلايدى "ۇلت اقپارات".
دسۇ ينفەكتسييانىڭ تارالۋى ٶرشٸپ جاتقانىن جارييالادى. ٶتكەن دەمالىس كٷندەرٸ ەلەمدە 400 مىڭ ادام اۋرۋ جۇقتىرعان. الايدا ەلەمدە اۋرۋعا شالدىعۋ دەڭگەيٸ ٶسٸپ بارا جاتقانىنا قاراماستان, دسۇ باسشىسى تەدروس گەبرەيەسۋس ەزٸرگە ەلەمنٸڭ پاندەمييا شىڭىنا جەتپەگەنٸن جارييا ەتتٸ.
اۋرۋدىڭ نەگٸزگٸ وشاعى مىنا مەملەكەتتەر:
- ٷندٸستان. كٷن سايىن ٸندەتكە شالدىققاندار سانى 20 مىڭنان اسىپ وتىر. تەك سوڭعى تەۋلٸكتە 24 248 ادام اۋىرعان. بۇل ەل اۋرۋدان قايتىس بولعانداردىڭ جالپى سانى بويىنشا ەلەمدە 8-شٸ ورىندا;
- برازيلييا. وسى اپتادا ەلدٸڭ دەنساۋلىق ساقتاۋ مينيسترلٸگٸ بٸر تەۋلٸك ٸشٸندە كوروناۆيرۋس جۇقتىرعاندار سانى 38 مىڭعا جۋىقتاعانىن حابارلادى. قايتىس بولعاندار سانى مىڭنان اسادى. ەل پرەزيدەنتٸ جاير بولسونارۋ دا كوروناۆيرۋسقا شالدىققانىن راستادى;
- يزرايل. كوروناۆيرۋس جاعدايىنىڭ ناشارلاۋىنا بايلانىستى بيلٸك شەكتەۋلەردٸ قايتا ورناتتى. پرەمەر-مينيستر بينيامين نەتانياحۋ مەلٸمدەگەندەي, ەگەر اپتانىڭ باسىندا ەلدە COVID-19 جۇقتىرعاندار سانى شامامەن بٸر جارىم مىڭ ادام بولسا, سوڭعى كٷندەرٸ بۇل كٶرسەتكٸش ەكٸ ەسە ٶسكەن. بارلار, كلۋبتار, سپورت زالدارى جابىلدى, بۇقارالىق ٸس-شارالار ٶتكٸزۋگە تىيىم سالىندى;
- وڭتٷستٸك كورەيا. ماۋسىم ايىنىڭ سوڭىندا وڭتٷستٸك كورەيا بيلٸگٸ كوروناۆيرۋس ينفەكتسيياسىن جۇقتىرۋدىڭ ەكٸنشٸ تولقىنى باستالعانىن مەلٸمدەدٸ. تەدجون قالاسىندا ەلەۋمەتتٸك قاشىقتىقتىڭ قاتاڭ شارالارى ەنگٸزٸلٸپ, سپورت زالدار, مۋزەيلەر مەن كٸتاپحانالار جابىلدى;
- رەسەي. كۆي جاعدايى قازٸرگٸ رەسەي پرەزيدەنتٸ ۆلاديمير پۋتيننٸڭ رەيتينگٸنە ىقپال ەتتٸ. «لەۆادا-ورتالىقتىڭ» مەلٸمەتٸ بويىنشا, سەۋٸر ايىندا ونىڭ رەيتينگٸ 59%-دى, مامىر ايىندا - 25%-دى قۇرادى. بۇل ەل باسقارعان 20 جىل ٸشٸندەگٸ رەكوردتىق ەڭ تٶمەنگٸ كٶرسەتكٸش. ساراپشىلاردىڭ ايتۋىنشا, كوروناۆيرۋس جاعدايى ماڭىزدى رٶل اتقارعان. حالىق رەسمي ستاتيستيكاعا, ەمدەۋ حاتتامالارىنا سەنبەيدٸ;
- ەۋروپا. جاعدايدىڭ قالپىنا كەلٸپ جاتقانىنا قاراماستان, جەكەلەگەن ەلدەردە اۋرۋدىڭ ٶرشۋٸ بايقالادى. مىسالى, يسپانييا مەن سەربييادا. سەربييا بيلٸگٸ بەلگرادتا 10-13 شٸلدە ارالىعىندا كومەندانتتىق ساعات رەجيمٸن ەنگٸزەتٸنٸن جارييالادى. قالادا COVID-19 اۋرۋىنىڭ 299 جاڭا جاعدايى انىقتالدى, 13 ادام قايتىس بولدى. تٶتەنشە جاعداي سەربييانىڭ 19 قالاسى مەن اۋداندارىندا دا جارييالاندى;
بۇل رەتتە جاڭا شەكتەۋلەر ەنگٸزۋ جوسپارى تۋرالى مەلٸمدەمە بەلگراد ورتالىعىنداعى جاپپاي نارازىلىقتار مەن تەرتٸپسٸزدٸكتەرگە سەبەپ بولدى. نارازىلىققا شىعۋشىلار پوليتسييا كوردوندارىنا شابۋىلداپ, اۆتوموبيلدەر مەن قوقىس جەشٸكتەرٸن ٶرتەدٸ. پارلامەنت عيماراتىنىڭ الدىندا بەس مىڭعا جۋىق ادام جينالدى, ولاردىڭ وپپوزيتسييالىق بەلسەندٸلەر باسقارعان بٸر بٶلٸگٸ عيماراتقا باسا-كٶكتەپ كٸردٸ;
سونىمەن قاتار, ەو-دا ەكونوميكالىق بەلسەندٸلٸك تٶمەندەپ جاتىر. ساراپشىلار ەۋروپا ەكونوميكاسىنىڭ وسى جىلى 8,3%-عا قۇلدىراعانىن جەنە كەلەسٸ جىلى 5,8%-ى قالپىنا كەلەتٸنٸن بولجاپ وتىر (سەۋٸردەگٸ بولجامدا -7,4% جەنە +6,1% بولدى);
- اقش. اقش-تىڭ باس ەپيدەميولوگى ەنتوني فاۋچي اقش كوروناۆيرۋستىڭ العاشقى تولقىنىندا «تٸزە بٷگٸپ» قالدى دەپ سانايدى. اقش-تا كوروناۆيرۋستان كٶز جۇمعاندار سانى دٷيسەنبٸ كٷنٸ 130 مىڭ ادامنان استى, ٸندەتكە شالدىققاندار 3 ملن-عا جۋىقتادى. شەكتەۋلەر ٸشٸنارا الىنىپ تاستالعاننان كەيٸن كەيبٸر شتاتتارداعى اۋرۋحانالار لىق تولدى;
- اۋسترالييا. مەلبۋرن قالاسىندا كوروناۆيرۋسقا بايلانىستى التى اپتالىق لوكداۋن ەنگٸزٸلەدٸ جەنە ادام كٶپ قونىستانعان ۆيكتورييا مەن جاڭا وڭتٷستٸك ۋەلس اراسىنداعى شەكارا بەلگٸسٸز مەرزٸمگە جابىلادى.
وسىناۋ كٷردەلٸ كەزەڭدە قازاقستاندا ٸندەتپەن ىمىراسىز كٷرەس جٷرگٸزٸپ جاتىر. كٷنٸ كەشە مەملەكەت باسشىسى قاسىم-جومارت توقاەۆ رەسپۋبليكالىق تەلەارنالار ارقىلى ەلٸمٸزدە قالىپتاسقان احۋالعا بايلانىستى ٷندەۋ جارييالاعان بولاتىن.
پرەزيدەنت وتانداستارىمىزدى حالقىمىزدىڭ باسىنا تٷسكەن سىناق الدىندا قايسارلىققا, سابىر مەن جاۋاپكەرشٸلٸككە شاقىردى.
